Delitto senza scampo
|
C'l artìcul chè 'l è scrit in
Miranduléś |
 Crime of Passion
| ||
| Delitto senza scampo | ||
 Burr e la Barbara Stanwyck in na figùra dal film | ||
| Delìt sénsa scamp 1957 | ||
|---|---|---|
| Regìa: Gerd Oswald | ||
| Scritōr: Jo Eisinger | ||
| Atōr: Barbara Stanwyck • Jay Adler • Fay Wray Sterling Hayden • Raymond Burr • Royal Dano Dennis Cross • Malcolm Atterbury • Virginia Grey | ||
| Müsica: Paul Dunlap | ||
| Léngua: Ingléś | ||
| Dürä dal film: 84 minüt | ||
| Nasiōṅ: Stat Unî | ||
Delitto senza scampo (Delìt sénsa scamp) 'l è 'n film dramàtic americàṅ dal 1957 ad Gerd Oswald girâ in biànc e négar.
Sunt
La Kathy Ferguson (Barbara Stanwyck) l'è na giurnalìsta ad San Francisco ch'la scriv di artìcui ad cunsìli par cal dóni. Un dè la cgnós al tenènt Bill Doyle (Sterling Hayden), òṅ ch'la lavóra insém a 'l capitàṅ Charlie Alidos (Royal Dano), e la s inamóra 'd lò tant ch'la decìd ad mulàr incòsa e 'd andàr a vìvar sèg a Los Angeles spuśànd-al.
Quànd l'è là però la sò vita la n è minga qvéla ch'la cardìva. Sò marè al n gh'à briśa ambisiòṅ tant che Charlie al s imprufìta dal sò lavōr p'r andàr avànti e sò mujér Sara (Virginia Grey) la s mét sèmp'r in móstra cun gl'amìghi.
La Kathy la decìd acsè ad far la dōlsa cun 'l ispetōr ad pulisìa Tony Pope (Raymond Burr) sprand acsè ad dar un cuć a la caréra ad sò marè. Dòp ès'r-ag andàda a lèt la dóna la créd che lò al gh'àppia 'n òć ad riguàrd par Bill anc in cusiderasiòṅ ch'l à sarnî 'd andàr in pensiòṅ p'r armàgnar da piò cun sò mujér Alice (Fay Wray). Quànd però 'l óm al gh diś ch'al vōl lasàr al sò pòst a Charlie, lē la gh spara.
A far luś su 'l masamènt dal sò cap a gh'è però pròpria Bill.