Delitto Versace

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Versace Murder
Delitto Versace
Delitto Versace.png
Franco Nero in na figùra dal film
Masamènt Versace
1998
Regia: Menahem Golan
Scritùr: Menahem Golan
Atùr: Franco NeroSteven BauerShane Perdue
Matt ServittoDavid WolfsonOscar Torre
Müsica: Claudio Simonetti
Lengua: Ingléś
Dürä dal film: 102 minüt
Nasiòṅ: Stat Unî


«
Al 15 ad Luj dal 1997 un stilìsta 'd mòda itagliàṅ famóś in tut al mónd al finìs masâ a cōlp ad pistòla. Qvésta chè l'è la stòria dal... Masamènt Versace.»
(Tagline dal film)


Delitto Versace (Masamènt Versace) 'l è 'n film biugràfic e dramàtic dal 1998 scrit e dirèt par Menahem Golan. Al cònta la stòria dal masamènt dal stilìsta calabréś Gianni Versace a Miami ad òpra 'd Andrew Cunanan.

'L è stâ girâ c'n budget ad quàtar migliòṅ ad dòlar.

Sunt

Al stilìsta 'd mòda Gianni Versace (Franco Nero) 'l è a Miami insém a sò surèla Donatella (Dania Deville) e a 'l sò amìg Antonio D'Amico (Oscar Torre). A sém in dl'Istâ dal 1997 e Gianni al gh'à da preparàr-as par mét'r in pē dal sfilàdi a Milàṅ, a Firénse e a Parì.

In cal mént'r un śōvan gigolò sasèṅ, Andrew Cunanan (Shane Perdue), 'l è drē a rivàr in Flòrida da San Francisco lasànd par strada na sfilaràda 'd umisìdi fra i sò amànt, cuma qvél dal sò amìg David Madson (Matt Servitto), e 'd pasànt par fargàr-'g al màchini. Al gh 'l à sèg parchè lò al n 'l iva minga tòlt a far al mudèl par lò. Quànd al riva in sità 'l al cópa davànti a la sò vila a South Beach.

Gl'agìnt d'l FBI John Jacoby (Steven Bauer) e Barnie Rogers (Renny Roker) e i sò óm i gh dànan la casa dapartùt in fiṅ tant ch'i 'l càtan mòrt dènt'r al yacht in du al s éra lugâ.

Culegamènt estéran