Delirio d'amore (film 1986)
|
C'l artìcul chè 'l è scrit in
Miranduléś |
 Delirios de amor
| ||
| Delirio d'amore | ||
.png) Antonio Banderas in na figùra dal film | ||
| Delìri 'd amōr 1986 | ||
|---|---|---|
| Regìa: Antonio González-Vigil Luis Eduardo Aute • Félix Rotaeta | ||
| Scritōr: Luis Eduardo Aute • Antonio González-Vigil Jaime Botella • Félix Rotaeta • Domingo Sánchez | ||
| Atōr: Antonio Banderas • Pepe Navarro • Juan Calot Adolfo Marsillach • Amparo Muñoz • Terele Pávez Yolanda Ríos • Laura García Lorca • Mario Gas Viviane Vives • Marisa Paredes • Carmen Maura | ||
| Müsica: Armando Llamado • Jaume Sisa Jaime Muela • Tarik Banzi | ||
| Léngua: Spagnōl | ||
| Dürä dal film: 81 minüt | ||
| Nasiōṅ: Spaggna | ||
Delirio d'amore (Delìri 'd amōr) 'l è 'n film dramàtic a epiśòdi dal 1986 ad Luis Eduardo Aute, 'd Antonio González-Vigil e 'd Félix Rotaeta, regìsta ch'i aṅ dirèt un segmènt a crani.
Sunt
Prim epiśòdi: ¿Drama o comedia? Acelgas para nuestros higados (regìa 'd Antonio González-Vigil)
Juan Bautista Salgado (Adolfo Marsillach), èx stéla dla televiśiòṅ, al viṿ c'n un lèòṅ lìb'r in dal sò apartamènt. Al gh'à na stòria 'd amōr ch'l è drē a 'ndàr mâł cun l'atōra in daśgràsia Angélica Durán (Amparo Muñoz) ch'l'è dimóndi più śōvna 'd lò. Par far-la lauràr, Juan al s arcmànda a 'l sò amìg giurnalìsta Tony Pardo (Pepe Navarro) ch'al gh faga n'intervìsta in TV par cuciàr-la in élt. Purtròp par lò i gh scàpan di còran.
Secónd epiśòdi: El muro de las lamentaciones (regìa 'd Luis Eduardo Aute)
La Mari Tere (Yolanda Ríos) la gh'à 'n prublèma: sò marè (Juan Calot), quànd al la gusa, al vîṅ in un minùt s'a gh và bèṅ e pò lōr dū i èṅ sèmpar custrét a scultàr i stus ad chi malnét salvàdag d'l apartamènt darènt ad Paco ch'i gh dànan dèntar cuma di nimài. La dóna la dà dal fnòć a 'l sò spóś e pò la diś ch'l'andrà a far-as gusàr da 'l prim óm ch'la véd, a gh 'n è giùst òṅ a 'l piàṅ ad sóta (Félix Rotaeta). Sò marè al s incàsa e al la stròsa sóta i òć dal sò papagàl, mént'r in dla cambra di sò vśèṅ a s véd ch'i sîg ad gudiōl i éran 'd un film pòran e minga dla muróśa 'd Paco, anc parchè chi lò 'l è mòrt in dal sò lèt.
Tèrs epiśòdi: El informe (regìa 'd Félix Rotaeta)
Un famóś antiquàri pîṅ ad bèsi, Jaime Vivar (Mario Gas), durànt na fèsta in dla sò vila al cgnós un śōvan ch'a gh piàś dimóndi, Ivan (Antonio Banderas), e 'l taca na relasiòṅ sèg. Purtròp par 'l antiquàri, al śuvnòt 'l è 'n infurmadōr dla pulisìa, spuśâ e cun di fiōi, che mént'r al s fà dar in dal cûl da lò al vîṅ anc a savēr tut i tragatèṅ di sò afâr muśnènt, esénd lò insaplâ in un gir ad dròga cun la sgnōra Jackson (Laura García Lorca). Al sò cap al s cumplimènta sèg e 'l gh diś ch'al suo 'l è 'n lavōr dûr.