Decisione rapida
|
C'l artìcul chè 'l è scrit in
Miranduléś |
 Decisione rapida
| ||
| The Quickie | ||
 La Jennifer Jason Leigh in na figùra dal film | ||
| Deciśiòṅ impruvìśa 2001 | ||
|---|---|---|
| Regìa: Sergei Bodrov | ||
| Scritōr: Sergei Bodrov • Carolyn Cavallero | ||
| Atōr: Jennifer Jason Leigh • Vladimir Mashkov Sergey Bodrov • Lesley Ann Warren • Jsu Garcia Dean Stockwell • Henry Thomas • Randy Lowell | ||
| Müsica: Giya Kancheli | ||
| Léngua: Ingléś • Rus • Spagnōl | ||
| Dürä dal film: 99 minüt | ||
| Nasiōṅ: Frància • Régn Unî • Germàgna | ||
Decisione rapida (Deciśiòṅ impruvìśa) 'l è 'n film dramàtic dal 2001 ad Sergei Bodrov.
La pelìcula l'è stada preśentàda a 'l 23śum Fèstival Internasiunàł dal film ad Mósca in du 'l prutagunìsta Vladimir Mashkov 'l à vins al prèmi cuma atōr mijōr.
Sunt
Oleg (Vladimir Mashkov), espunènt dla màfia rusa in Califòrgna, al decìd 'd invidàr sò màd'r Anna (Lesley Ann Warren), èx stéla dal balét rus, in dla sò vila 'd Malibù par festegiàr al cavdàn insém e par dir a la sò famìja ch'l à intensiòṅ ad pasàr i sò afâr a sò fradèl Alex (Henry Thomas) par cambiàr vita. La dóna la pòrta sèg un śōvan ciamâ Miguel Vargas (Jsu Garcia), al sò toy boy peruviàṅ ch'l'à péna spuśâ.
A la fèsta a gh'è anc al scritōr Michael (Dean Stockwell), èx marè dl’Anna, ch'adès 'l è custrét a giràr su na scrana a rudèli esénd ch'i dutōr i gh'aṅ dit ch'al gh'à sōl siē méś ad vita. Chi lò 'l è rivâ insém a cla purcùsa 'd sò mujēr, la Jane (Brenda Bakke). Vèrs sira a riva anc Anatoly (Evgeniy Lazarev), al sîṅ 'd Oleg ch'al gh admànda di bèsi par purtàr in Amèrica di sò parènt da la Rùsia.
In giardèṅ, davśèṅ a la pisìna, qualchidòṅ 'l à fat purtàr in cal méntar na statṿa dla Madóna in elicòtar. Da na sfésa a i cô di pē Oleg al tira fóra na létra vōda ch'in Rùsia a vōl dir ch'i gh'aṅ intesiòṅ ad cupàr-al. Jutâ p'r al sò bras dèstar Deema (Sergey Bodrov) e p'r i sò culaburadōr James (Randy Lowell) e Boris (Oleg Taktarov), al mafióś al vōl andàr-'g in fónd.
In séguit, cuntatàda par Deema, a riva in cà na dóna ciamàda Lisa Pawel (Jennifer Jason Leigh) ch'la lavóra par na dita 'd diśinfestasiòṅ da i scaravàś parchè in cuśìna a gh 'n è ad qvéi marunsèṅ. Alex al créd ch'la sia lē la sasìna ch'la gh'à da far fóra sò fradèl.