Cumór (Cucumis sativus)

Da Wikipedia.

C'l artìcul chè 'l è scrit in Pramsân Emiliàn

Piânta ed cumór
Un cumór con la péla pîna éd bòtli
Fumära in sima a 'na foja ed sucà


Al cumór (Cucumis sativus L., 1753) l'é 'na vérdura 'dla famija dil Cucurbitacei originèri dl'India.

L'é 'na piânta c'la st'a drè téra o, s'la càta 'na ramèda o quel dal gènar, l'a gh'rampa su tant c'me i mlon (Cucumis melo). Al fust principèl l'è pìn 'd peél e il foj, grandi e verdi, i gan un picól bél lóng.

I fioór i en giäld, pićen e i polón isor masć o fèmna cme in tuti il piânti monoichi. Al frut l'è 'na bâca pù pìna d'aqua che ätor.

Caratarìstichi dal frutt

Al frutt l'é loóng pù o méno c'me un suclén (Cucurbita pepo) e al ga na pélà verda,spèsà e pîna ed boòtli; la polpa l'é bianca e pîna d'âqua (al 96%), con 'dla sménsa in t'la pärta santräla.

Mòd ed drovèrél

Al s'pol magnär crud da lù o in t'l'insalèda. De spès al vèna catè su quanda l'é ancora pićen e mis sòtà asèj.

Avérsitè

L'é facil c'al cumór al s'limpisà d'afidi ('dla sòrta Aphis gossypii) e n'le miga dificil c'al s'mäla par colpa ed socuanti sòrti ed fóns, c'me pr'esempi la fumära (Erisiphe cichoracearum), la prónòspra (causata da Pseudoperonospora cubensis) e la mufà griza (Botrytis cinerea).