Vai al contenuto

Culëina dal Crùs

Da Wikipedia.

Artìcol in dialët piaṡintëin


La Culëina dal Crùs vista da lùnt.
Una pàrt ad la Culëina dal Crùs.

La Culëina dal Crùs (in Litüän Kryžių Kalnas) a l'è un pòst türistic dvantä un santüäri in Lituàgna arëint a Šiauliai, in s’la strä E77 ch’la và da Kaliningrad a Riga.

Storia[modifica | mudéfica la surzéia]

La sò storia la cumëincia bèle in dal 1795 quand la Rüssia e la Pulógna i s'ènn spatìd la Lituàgna. In d'una muntä picëina la gëint l'ha cumanciä a piantä d'i crùs par pragä Diu par l'indipendëinsa.

In dal nòst sècul, sùta al regìm cumunista, i crùs i'enn dvantä püsä ad 50.000. L'è dvantä, in dal tëimp, un sìmbul. Al regìm, par tre vòti l'ha spasä via i crùs cui rüspi, ma la gëint la trunava in sal pòst a piantä amò i crùs. I crùs ca gh'è i'enn ad tütt i dimensiòn.

In dal 1900 gh'era apëina 130 Crùs, incö quasi 56.000. Al 7 ad stëimbar 1993 al Papa Giuànn Pàul II l'ha visitä la Culëina. aL cardinäl Vincentas Sladkevičius l'ha dìt ca la Culëina a l'è "...al cör ad la Lituàgna vèrt vèrs Dìu...".[1]

Nòti[modifica | mudéfica la surzéia]

  1. Lorenzo Fazzini: http://www.avvenire.it/Cultura/Collina_senza_croci_201006260759305570000.htm%7Ctitolo= L'Europa vuole una Collina senza croci?

Ligàm ad föra[modifica | mudéfica la surzéia]