Cujo
|
C'l artìcul chè 'l è scrit in
Miranduléś |
 Cujo
| ||
| Cujo | ||
 Al caṅ Cujo in na figùra dal film | ||
| id. 1983 | ||
|---|---|---|
| Regìa: Lewis Teague | ||
| Scritōr: Stephen King Don Carlos Dunaway • Laurier Currier | ||
| Atōr: Dee Wallace • Danny Pintauro • Ed Lauter Daniel Hugh Kelly • Christopher Stone • Billy Jayne | ||
| Müsica: Charles Bernstein | ||
| Léngua: Ingléś | ||
| Dürä dal film: 91 minüt | ||
| Nasiōṅ: Stat Unî | ||
Cujo (id.) 'l è 'n film ad scarésa dal 1983 ad Lewis Teague trat da 'l rumànś umònim dal 1981 ad Stephen King.
Custâ òt migliòṅ ad dòlar, al 'n à pò fat sù da piò ad vint-i-òṅ.
Sunt
Cujo 'l è 'l caṅ San Barnàrd ad Brett Camber (Billy Jayne), un baghét fiōl dal mecànig ad Castle Rock Joe (Ed Lauter). Tut i al cgnósan cuma na bèstia gustóśa e bòna c'n i putèṅ ma 'n dè, curénd adrē a 'n cunèṅ salvàdag, Cujo al finìs in na cavèrna pîna 'd papastrèi e òṅ al qvist chè 'l al mòrśga. Al caṅ al s bèca acsè la ràbia dvintànd na bistiàsa catìva e rabìda tant da masàr in pôc tèmp prima Joe e pò 'l sò vśèṅ 'd cà Gary Pervier (Mills Watson).
In cal méntar la Donna Trenton (Dee Wallace), méntar sò marè Vic (Daniel Hugh Kelly) 'l è via par lavōr, la và da Joe insém a sò fiōl pìcul Tad (Danny Pintauro) par far-as giustàr la màchina. Quànd 'l è là la n cata ninsòṅ a part Cujo ch'al próa a saltàr-'g adòs e pò a muntàr in tut al manéri insìma a la sò màchina. Par paùra dal cagnàs, i dū i èṅ custrét a 'rmàgnar sarâ lè dèntar par soquànt dè, sénsa bév'r e sénsa magnàr.
Turnâ a cà, Vic al la cata vōda, cun tut i lèt scavśâ e 'n caśèṅ dapartùt. In pinsēr par la sò famìja 'l óm al créd ch'a gh sia insaplâ 'n èx amànt ad sò mujér, Steve Kemp (Christopher Stone) al marangòṅ.