Cruel Intentions 2 - Non illudersi mai
|
C'l artìcul chè 'l è scrit in
Miranduléś |
 Cruel Intentions 2:Manchester Prep. | ||
| Cruel Intentions 2 - Non illudersi mai | ||
 La Keri Lynn Pratt in na figùra dal film | ||
| Bruti intensiòṅ - Mai ilùd'r-as 2000 | ||
|---|---|---|
| Regìa: Roger Kumble | ||
| Scritōr: Roger Kumble | ||
| Atōr: Robin Dunne • Mimi Rogers • Amy Adams Barclay Hope • Tane McClure • Caley Wilson Teresa Hill • Sarah Thompson • Keri Lynn Pratt David McIlwraith • Barry Flatman • Shuko Akune | ||
| Müsica: William Walton | ||
| Léngua: Ingléś | ||
| Dürä dal film: 87 minüt | ||
| Nasiōṅ: Stat Unî | ||
Cruel Intentions 2 - Non illudersi mai (Bruti intensiòṅ - Mai ilùd'r-as) 'l è 'n film dramàtic e eròtic dal 2000 scrit e dirèt par Roger Kumble, prequel ad Cruel Intentions - Prima regola non innamorarsi dal 1999.
La pelìcula, pinsàda a 'l inìsi cuma 'n telefìlm da 'l tìtul Manchester Prep., l'è vgnuda fóra diretamènt p'r al marcâ d'l home video.
Sunt
[mudéfica la surzéia]Dòp che sò màdar drugàda l'è finìda in clìnica par curàr-as, al śōvan studènt Sebastian Valmont (Robin Dunne) al và a star da sò pàdar Edward (David McIlwraith) a Manhattan, a cà dla dóna pîna 'd bèsi ch'in cal méntar 'l à spuśâ, la Tiffany Merteuil (Mimi Rogers). Chi lē la gh'à na fiōla ch'la gh'à i an 'd Sebastian, la Kathryn (Amy Adams), sōl dimóndi più catìva 'd lò e as ad brìscula in fat ad traplàdi e tragatèṅ.
Sebastian al s inamóra dla Danielle Sherman (Sarah Thompson), fiōla incóra vìrgin dal prèsid dal culéǵ in du 'l và e 'l fà da tut par cunquistàr-la. La ragàsa la fà fadìga a lasàr-'s andàr, parchè la vrév che lò al s fus più sćèt sèg, ma cl'òca insiminìda dla sò amìga, la Cherie Claymon (Keri Lynn Pratt), la cunfìda a 'l śōvan ch'la Danielle, quànd la 'l pénsa, la dvènta tuta mója, in di òć. La Kathryn però, ch'la n s cumpatìs pròpria briśa 'l sò fradlàstar, la s mét ad travèrs.