Crimen perfecto

Da Wikipedia.

C'l artìcul chè 'l è scrit in Miranduléś Emiliàn

Crimen ferpecto
Crimen perfecto

La Cervera e Toledo e in na figùra dal film
Crìmin parfèt
2004
Regìa: Álex de la Iglesia
Scritōr: Álex de la Iglesia • Jorge Guerricaechevarría
Atōr: Guillermo ToledoMónica CerveraKira Miró
Enrique VillénFernando TejeroJavier Gutiérrez
Müsica: Roque Baños
Léngua: Spagnōl
Dürä dal film: 105 minüt
Nasiōṅ: SpaggnaItàglia


«
Ròbi da mat... A la spóś!!! Ròbi da mat... A m spóś!!!»
(Tagline dal film)


Crimen perfecto (Crìmin parfèt) l'è na cumèdia négra dal 2004 'd Álex de la Iglesia, numinàda a siē Prèmi Goya e vinsidōra dal Gran Prix a 'l Fèstival dal film pulisiésc ad Cognàc. In Spaggna l'è stada bòna 'd far sù da piò ad déś migliòṅ 'd euro.

Soquànt pajàs ch'i s véd'n in dla pelìcula i èṅ di fan ad de la Iglesia ch'i aṅ tòlt part a 'l film cun di camèo faghénd dmanda su 'l sit ufisiàł dal regìsta.

Sunt

Rafael González (Guillermo Toledo) 'l è 'n squasamarléti 'd prim órdan e anc piutòst ambisióś in dal lavōr ma 'l pòst ad respunsàbil dal repàrt 'd abigliamènt par dóni 'd 'n impurtànt sèntar cumersiàł ad Madrìd al finìs a 'l sò culéga Antonio Fraguas (Luis Varela) invéci che a lò ch'l al vliva pròpria.

Un dè, par daśgràsia, al masa sénsa vlēr Antonio méntar 'l éra drē a quistiunàr-as sèg. La pulisìa la n fà mènt a gnint e Rafael al dvènta acsè 'l cap-repàrt ma, purtròp par lò, a gh'è 'n testimòni. A s trata ad cla bruta figa puta minga tant gustóśa dla Lourdes (Mónica Cervera) ch'la lavóra a 'l casi. Par tgnir la bóca saràda chi lē la custrìnś 'l óm a spuśàr-la malvluntéra e, gnanc a dir-al, a rispetàr i òblig ad tut i marè ad dar-ag dū cōlp ógni tant.

A n psénd-an piò, Rafael al decìd ch'a gh'è sōl un quèl da far par turnàr lìbar: cupàr sò mujér. Ma 'l n è briśa 'n lavōr fàcil.

Culegamènt estéran