Cose da maschi

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg A Guy Thing
Cose da maschi
Cose da maschi.png
La Julia Stiles e Jason Lee in na figùra dal film
Ròbi da masć
2003
Regia: Chris Koch
Scritùr: Greg Glienna • Pete Schwaba
Matt Tarses • Bill Wrubel
Atùr: Jason LeeJulia StilesSelma Blair
James BrolinShawn HatosyLochlyn Munro
Müsica: Mark Mothersbaugh
Lengua: Ingléś
Dürä dal film: 101 minüt
Nasiòṅ: Stat Unî


«
A la fiṅ 'l à catâ la ragàsa parfèta.»
(Tagline dal film)


Cose da maschi (Ròbi da masć) l'è na cumèdia americàna dal 2003 ad Chris Koch.

L'è custàda vint migliòṅ ad dòlar e la 'n à fat sù darsèt e quàtar.

Sunt

Paul Morse (Jason Lee) 'l è 'n śōv'n ad Seattle ch'al gh'à da spuśàr-as cun la Karen (Selma Blair), la fiōla dal pruprietàri dla dita in du 'l lavóra, Ken Cooper (James Brolin). Durànt la fèsta par 'l ùltim dè da put al cgnós la Becky Jackson (Julia Stiles), na biónda ciamàda lè par far divertìr i masć, e 'l dè dòp, anc par via dla ciùca, al s la cata in dal sò lèt. Esénd ch'a gh'à da vgnir la sò muróśa, Paul al para via la ragàsa quànd al s déśda sèg, lugànd in présia al sò mudàndi, ch'l'iva lasâ lè, in dal scàrag dal cèso. A lauràr, durànt na riugnòṅ, al s rénd cònt 'd avēr ciapâ anc 'l piàtli ch'i gh fànan na spiùra ch'al fà fadìga a cumpatìr-as.

Cla sira lè Paul al gh'à 'd andàr a cà di Cooper par na séna urganiśàda da la màdar dla sò muróśa, la Sandra (Diana Scarwid), par preśentàr-'l a 'l rèst dla famìja, cuma la sîna Budge (Jackie Burroughs). 'L è lè che 'l óm 'l arcgnós fra gl'invidâ pròpria la Becky, ch'la sarév pò la cuśìna dla Karen.

Culegamènt estéran