Cosa fare in caso di incendio?
|
C'l artìcul chè 'l è scrit in
Miranduléś |
 Was tun, wenn's brennt?
| ||
| Cosa fare in caso di incendio? | ||
 Til Schweiger in na figùra dal film | ||
| Csa gh'è da far in caś 'd inséndi? 2001 | ||
|---|---|---|
| Regìa: Gregor Schnitzler | ||
| Scritōr: Stefan Dähnert • Anne Wild | ||
| Atōr: Til Schweiger • Sebastian Blomberg Martin Feifel • Klaus Löwitsch • Matthias Matschke Doris Schretzmayer • Nadja Uhl • Devid Striesow | ||
| Müsica: Stephan Gade • Stephan Zacharias | ||
| Léngua: Tedésc | ||
| Dürä dal film: 101 minüt | ||
| Nasiōṅ: Germàgna | ||
Cosa fare in caso di incendio? (Csa gh'è da far in caś 'd inséndi?) l'è na cumèdia dramàtica tedésca dal 2001 ad Gregor Schnitzler.
Sunt
In dal 1987, a i tèmp dla Germàgna Èst, un grup ad siē śōvan cuntestadōr ad Berlîṅ, anàrchig e 'd sinìstra, al pasa 'l tèmp a dar adòs a i pulisiòt, a tōr pusès di apartamènt vōd, a far di furt in di supermarcâ capitalìsta e a preparàr dal bómbi da mét'r in dal cà di burghéś, tirànd śò incòśa par testimuniàr in séguit a i sò fiōi ch'i aṅ fat quèl cónt'r al sistéma.
Dód'ś an dòp na vila sfita dal quartēr Grunewald la salta p'r ària par na bómba, fata cun dal sùcar e dal diśerbànt, misa da 'l grup in na pignàta a presiòṅ ch'in alóra la n éra minga esplóśa p'r un prubléma a 'l timer. Al guèr'n al manda 'l ispetōr Manowsky (Klaus Löwitsch) a far luś su 'l epiśòdi. La pulisìa la taca a far dal redàdi in dal baś di grup antagunìsta dla sità e acsè la riva in d'l edifìsi ucupâ di dū di terurìsta uriginài, Tim (Til Schweiger) e Hotte (Martin Feifel), ragàs sénsa gambi custrét a giràr in carusìna. Al pruprietàri dal palàs, al turc Bülent (Aykut Kayacik), 'l al vrév indrē ma 'l pōl vansàr parchè, quànd a gh'è 'n andicapâ dèntar, al léǵ i èṅ sèmpar da la sò banda.
Tim 'l è spavintâ parchè i pulisiòt i aṅ purtâ via i filmâ i du a s véd ch'i ìvan mis lōr la bómba e dònca 'l pénsa 'd scapàr in Pulògna parchè al rìsćia 'd far-as soquànt an ad parśòṅ. Hotte al sugerìs ad pasàr paròla a i sò èx cumpàgn che però, in cal méntar, i èṅ dvintâ tut di burghéś. La Nele (Nadja Uhl) l'è na màdar puta cun dū putèṅ pìcui da crésar, “Terror” (Matthias Matschke) 'l è 'n avucàt ad sucès, Maik (Sebastian Blomberg) 'l è a cap dn'agensìa publisitària e la Flo (Doris Schretzmayer), èx amànta 'd Tim, la gh'à da spuśàr-as.