Corda tesa

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Tightrope
Corda tesa
Corda tesa.png
Eastwood e la Bujold in na figùra dal film
Lasa tiràda
1984
Regìa: Richard Tuggle
Scritōr: Richard Tuggle
Atōr: Clint EastwoodGeneviève Bujold
Alison EastwoodJenny BeckMarco St. John
Dan HedayaRandi BrooksRebecca Perle
Müsica: Lennie Niehaus
Léngua: Ingléś
Dürä dal film: 115 minüt
Nasiōṅ: Stat Unî


«
Un detective in sal fił dal raśōr.»
(Tagline dal film)


Corda tesa (Lasa tiràda) 'l è 'n film pulisiésc dal 1984 ad Richard Tuggle prudót par Clint Eastwood ch'l è anc 'l atōr prutagunìsta.

Girâ a New Orleans, 'l à muciâ sù a i butghèṅ di Stat Unî da piò ad quarànt'òt migliòṅ ad dòlar.

Sunt

Wes Block (Clint Eastwood) 'l è 'n capitàṅ ad pulisìa ad New Orleans, amànt di caṅ, divursiâ e cun dū fiōli ch'i vìvan sèg, la Penny (Jennifer Beck) e l’Amanda (Alison Eastwood). Al gh'à da catàr un manìac ch'al gh l'à c'n al putàni e c'n al dóni ch'i lavóran in di lucài malnét. Dòp avér-li viulentàdi, lì lò al i masa.

Par saltàr-'g-an fóra, Wes al taca a 'ndàr in gir la nòt in di lucài par purcùs cun l'idéa ad far dal dmandi e catàr sù dal nutìsi ch'i gh pōlan far còmad. Ma 'l masadōr a pâr ch'al sàppia incòsa ad lò tant ch'al cópa dū rój e 'n fnòć ch'i ìvan dascōrs sèg. Al pulisiòt alóra al dmanda ajùt a la Beryl Thibodeaux (Geneviève Bujold), una ch'la s impéggna dimóndi p'r i dirìt ad cal dóni insgnànd-ag a difénd'r-as da par lōr. Dòp 'n inìsi difìcil, i dū i finìs'n invéci p'r inamuràr-as.

Culegamènt estéran