Come una crisalide
|
C'l artìcul chè 'l è scrit in
Miranduléś |
 Come una crisalide
| ||
 Na figùra dal film | ||
| Cuma 'n bgòṅ 2010 | ||
|---|---|---|
| Regìa: Luigi Pastore | ||
| Scritōr: Luigi Pastore • Antonio Tentori | ||
| Atōr: Antonio Tentori • Riccardo Serventi Longhi Gianluca Testa • Anna Morosetti • Fabio Giovannini Sharon Alessandri • Nikol Brown • Tony Cimarosa | ||
| Müsica: Claudio Simonetti • Art Vision | ||
| Léngua: Itagliàṅ • Sicigliàṅ | ||
| Dürä dal film: 80 minüt | ||
| Nasiōṅ: Itàglia | ||
Come una crisalide (Cuma 'n bgòṅ) 'l è 'n film ad scarésa dal 2010 ad Luigi Pastore cgnusû a 'l èstar c'n al tìtul ad „Symphony in Blood Red“.
'L è stâ prudót cun trénta-mila euro druànd di atōr pascâ in internet.
Sunt
Méntar 'l è in terapìa da na psicòluga (Anna Morosetti), al ciucâ in dla suca Crisalide (Antonio Tentori) al s rabìs sinténd ch'la dutōra la gh cunsìlia 'd pasàr soquànt dè in na clìnica e al la masa. Chi lò 'l iva bèla cupâ in pasâ quànd 'l iva mulâ na scurtlàda in dla pansa a la sò muróśa Claudia (Simona Oliverio) ma anc lò da pìcul (Matteo Pastore) 'l iva ciapâ la sò part da 'n prēt pedòfil, Don Alfredo (Fabio Giovannini), quànd 'l éra 'l sò chirichét. Adès ch'l è grand Crisalide al gh la fà pagàr insfilsànd-ag na cróś in dal crani c'n i sò spric ch'i màć'n al mur.
Al manìac al taca a far-as giustìsia a la sò manéra e prima 'l fà fóra na putàna (Nikol Brown) c'n al sò cliènt (Philippe Guastella) pò 'n casadōr sicigliàṅ curióś (Tony Cimarosa). Al giurnalìsta (Riccardo Serventi Longhi) dal prugràma Nòt Śala al gh fà na traśmisiòṅ insìma.