Come fan bene quei giochini le erotiche ragazze dei villini
|
C'l artìcul chè 'l è scrit in
Miranduléś |
 Liebesspiele junger Mädchen
| ||
| Come fan bene quei giochini le erotiche ragazze dei villini | ||
 La Christine Schuberth in na figùra dal film | ||
| Mo cum i èṅ bravi a far chi śuglèṅ là al ragàsi eròtichi di vilèṅ 1972 | ||
|---|---|---|
| Regìa: Franz Josef Gottlieb | ||
| Scritōr: Franz Josef Gottlieb | ||
| Atōr: Catharina Conti • Karin Götz • Jörg Nagel Christine Schuberth • Astrid Kilian • Peter Kranz Karin Glier • Peter Böhlke • Erich Padalewski Mattis Böttcher • Enzi Fuchs • Helmut Kircher Mogens von Gadow • Michael von Harbach | ||
| Müsica: Gerhard Heinz | ||
| Léngua: Tedésc | ||
| Dürä dal film: 87 minüt | ||
| Nasiōṅ: Germàgna | ||
Come fan bene quei giochini le erotiche ragazze dei villini (Mo cum i èṅ bravi a far chi śuglèṅ là al ragàsi eròtichi di vilèṅ) l'è na cumèdia spurcaciòna tedésca dal 1972 ad Franz Josef Gottlieb ch'al l'à anc scrita.
A s trata 'd un film ad sinc epiśòdi ch'i fànan védar cuś i fàn'n i śōvan fra lōr quànd i genitōr i èṅ via.
A 'l èstar 'l è cgnusû anc c'n i tìtui ad “Girls and the Love Games” in di Stat Unî, “Hungry for Sex” in dal Régn Unî, “Jeux d'amour chez les jeunes filles” in Frància e “Jogos Eróticos” in Purtugàl.
Sunt
Cla purcùsa dla Renate (Karin Götz) la s prufìta dal fat ch'i sò genitōr i sìan via par gusàr c'n al sò muróś Bernd (Mattis Böttcher) ma pò sò pàdar (Mogens von Gadow) e sò màdar (Enzi Fuchs) i tórnan a cà prima e i i bèc'n a lèt nûd ch'i n gh la càvan gnanc a dastacàr-as da par lōr p'r al spavènt.
A Kurt (Peter Kranz) a gh piàś mét'r-as di brasalét e pasàr dimóndi tèmp a scōla cun 'n àtar ragàs. Al sò insgnànt ad nōd (Helmut Kircher) al gh'à fat a mènt e al cònta tut a i sò genitōr Emil Mühlberg (Peter Böhlke) e la Charlotte (Liane Hielscher). Chi lōr, in pinsēr parchè i crédan che sò fiōl al sia dvintâ 'n buśòṅ, i gh pàgan na putàna, la Christine Schumann (Christine Schuberth), par dar-ag dū cōlp méntar lōr i èṅ da n'atra banda. Par furtùna ch'al ragàs al gh dà dèntar dabòṅ méntar la scaja la s mét a magnàr dal caròti e di spàraś.