Come Dio comanda (film)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Come Dio comanda
Come Dio comanda.png
Alvaro Caleca e Filippo Timi in na figùra dal film
Cuma Dio a cmanda
2008
Regia: Gabriele Salvatores
Scritùr: Niccolò Ammaniti
Antonio Manzini • Gabriele Salvatores
Atùr: Filippo TimiElio GermanoAlvaro Caleca
Angelica LeoFabio De LuigiAlessandro Mizzi
Müsica: Mokadelic
Lengua: Itagliàṅ
Dürä dal film: 103 minüt
Nasiòṅ: Itàglia


«
Al prèmi Òscar Gabriele Salvatores dòp MÈ A N GH'Ò MINGA PAÙRA al tórna a rigalàr-as di emusiòṅ prufóndi.»
(Tagline dal film)


Come Dio comanda (Cuma Dio a cmanda) 'l è 'n film dramàtic dal 2008 ad Gabriele Salvatores trat da 'l rumànś umònim ad Niccolò Ammaniti. 'L è stâ girâ in Friûl.

La culòna sunóra dal film l'è firmàda par Mokadelic mént'r in dla pelìcula i s pōlan sintìr anc di pès di Tre Allegri Ragazzi Morti (Come Dio comanda), ad Robbie Williams (She's the One), dla Loredana Berté (Non sono una signora), dl'Elisa (Luce (tramonti a nord est)) e di Antony and the Johnsons (Knockin' on Heaven's Door).

Sunt

Rino Zena (Filippo Timi) 'l è 'n uperàj diśucupâ d'l Éltitàglia ch'al gh'à da tiràr sù da par lò 'n fiōl, Cristiano (Alvaro Caleca). Al gh 'l à c'n i négar e c'n i sigàgn, 'l è da spés imbariagòs e viulènt e 'l à insgnâ 'l sò idéi 'd dèstra e a difénd'r-as c'n al bòti anc a 'l sò ragasōl ch'al véd in Adolf Hitler un persunàǵ ch'a gh piàś pròpria, più grand ad Napulèòṅ. Rino al tîṅ adrē anc a 'n sò èx culéga, cgnusû c'n al scutmàj ad Quàtar Furmàj (Elio Germano), ch'l è armàś uféś in dla suca dòp 'n incidènt su 'l lavōr. Chi lò al s è fat un mónd tut suo in cà ch'a pâr un preśèpi, c'n un muć ad putucèṅ mis insém lè dèntar, e 'l guàrda da spés al caséti pòran dla sò atōra preferìda, la Superstar Ramona.

Na nòt, vdénd giràr in muturèṅ sóta la pióva na ragasōla cumpàggna 'd scōla 'd Cristiano, la Fabiana Ponticelli (Angelica Leo), a Quàtar Furmàj a gh pâr pròpria 'd védar la Ramona. 'L óm al férma acsè la śōvna in un bòsc, al la viulénta e pò al la masa tirànd-'g un cōlp in cô c'n un giaròṅ. Quànd a riva lè Rino, ciamâ in sò ajùt pròpria da Quàtar Furmàj, Zena al taca a dar-'g-i dòp avér vdû 'l cadàvar dla ragàsa ma tut 'd un trat a gh vîṅ n'emuragìa in dal sarvèl. Cristiano al fà in tèmp a ciamàr l'ambulànsa par sò pàdar, pò al buta 'l còrp dla Fabiana in un fiùm cardénd ch'al sasèṅ al sia sò pàdar. Méntar Rino 'l è a 'l uśdàł, Beppe Trecca (Fabio De Luigi) di servìsi suciài al s fà càr'g ad tgnir adrē a Cristiano.

Culegamènt estéran