College per vampiri
|
C'l artìcul chè 'l è scrit in
Miranduléś |
 Teen Vamp
| ||
| College per vampiri | ||
 Beau Bishop in na figùra dal film | ||
| Culéǵ par vampîr 1988 | ||
|---|---|---|
| Regìa: Samuel Bradford | ||
| Scritōr: Samuel Bradford | ||
| Atōr: Beau Bishop • Angie Brown • Clu Gulager Karen Carlson • Evans Dietz • Edd Anderson | ||
| Müsica: Robert Sprayberry | ||
| Léngua: Ingléś | ||
| Dürä dal film: 86 minüt | ||
| Nasiōṅ: Stat Unî | ||
College per vampiri (Culéǵ par vampîr) l'è na cumèdia 'd scarésa dal 1988 scrita e dirèta par Samuel Bradford, giràda in Luiśiàna.
Sunt
Murphy Gilcrease (Beau Bishop) 'l è 'n ragàs ad darsèt an ch'al stùddia in un culéǵ dla Luiśiàna e che par catàr sù quèl al fà 'l bibitàr in di evènt spurtìṿ insém a 'l sò amìg Dalbert Heiney (Edd Anderson). A scōla al s è inamurâ dla biónda Conny Sutton (Angie Brown) ma, esénd piutòst sfigâ, chi lē la gh preferìs al fîg Bucky Ryder (Evans Dietz) ch'al śōga anc a fùtbol americàṅ.
Sinténd da sò màdar Martha (Karen Carlson) ch'in sità i aṅ avèrt un caśèṅ, Murphy al decìd 'd andàr-ag anc parchè 'l è incóra vìrgin e 'l vōl pruàr a gusàr par la prima vòlta. Purtròp par lò al bèca na vampìra ch'invéci 'd ciulàr sèg la 'l mòrśga a 'l còl faghénd-al dvintàr un ciùcia-sànguv a sò vòlta. Sò màdar, in pinsēr par lò, al ciàma in ajùt un prevòstar (Clu Gulager) ch'al gh fà 'n eśurcìśum esénd ch'al n sà mia csa far. Da 'l cant suo la Martha la stramna dapartùt dal sigóli avénd finî 'l aj.
Al dè dòp Murphy, durànt na litgàda, al mòrśga a 'l bras Bucky ch'al gh dava sèmp'r adòs, faghénd-al dvintàr un vampîr. La Conny, impresiunàda da 'l sò curàǵ, la decìd ad cambiàr galét e la śibìs a Murphy 'd andàr a ciulàr ad nòt in na cà in du na vòlta a gh'è stâ 'n masamènt ad dū smèj, sicùra che là a n gh sia ninsòṅ.