Circle (film)
|
C'l artìcul chè 'l è scrit in
Miranduléś |
 Circle
| ||
.png) La Kinsey Packard in na figùra dal film | ||
| Sérć 2010 | ||
|---|---|---|
| Regìa: Michael W. Watkins | ||
| Scritōr: Brad Tiemann | ||
| Atōr: Jason Thompson • Will Stiles • Ryan Doom Silas Weir Mitchell • Peter Onorati • Erin Foster Kinsey Packard • Erin Reese • Gail O'Grady | ||
| Müsica: Gunnard Doboze | ||
| Léngua: Ingléś • Spagnōl • Grēc | ||
| Dürä dal film: 88 minüt | ||
| Nasiōṅ: Stat Unî | ||
Circle (Sérć) 'l è 'n film ad scarésa americàṅ dal 2010 ad Michael W. Watkins, girâ in Califòrgna c'n un budget stimâ ad dū migliòṅ ad dòlar.
Sunt
John Bennett (Silas Weir Mitchell) 'l è 'n ciucâ in dla suca cun di òć dagnóra biànc ch'al viṿ in manicòmi dòp avēr fat fóra la sò famìja quànd 'l éra pìcul. A tgnir-'g adrē a gh'è la psicòluga Green (Gail O'Grady) ch'la 'l batéśa cuma na parsòna dimóndi inteligìnta. Un dè chi lò al masa sinc pasiènt dla clìnica ligâ su da scrani misi a sérć, prima scurtlànd-i a 'l fégat e pò a 'l cōr par pò śibìr-ag na cica. Finî al masèl, tgnénd adrē a 'l règhli scriti su 'n lìbar religióś cun dal cróś insìma, al scapa da 'd lè. La biónda criminòluga Randall (Kinsey Packard), mandàda da qvéi d'l FBI, e 'l cap di pulisiòt dla U.S. Marshals (Peter Onorati), ch'al 'l iva arestâ la prima vòlta, i ciàp'n in maṅ al caś insém a 'l agìnt Bill Tanner (Michael DeLuise) mo i n vànan minga tant 'd acòrd.
In cal méntar sinc studènt ch'i gh'aṅ da scrìvar na téśi su i sò crìmin da śōvan par cònt dla prufesōra McAdams (Rita Taggart), Gavin (Jason Thompson), la Chloe (Erin Reese), Luke (Ryan Doom), la Morgan (Erin Foster) e 'l femnàr Tristan (Will Stiles) cumpagnâ par la sò muróśa purcùsa Britt (America Olivo), i vàn'n a cà sua par muciàr sù dal materiàł par na risérca. Ma in dla vila i càt'n anc John.