Christmas Evil - Un Natale macchiato di sangue
|
C'l artìcul chè 'l è scrit in
Miranduléś |
 You Better Watch Out
| ||
| Christmas Evil - Un Natale macchiato di sangue | ||
 Brandon Maggart in na figùra dal film | ||
| Nadâł catìṿ - Un Nadâł maciâ 'd sànguv 1980 | ||
|---|---|---|
| Regìa: Lewis Jackson | ||
| Scritōr: Lewis Jackson | ||
| Atōr: Brandon Maggart • Joe Jamrog • Gus Salud Jeffrey DeMunn • Peter Neuman • Peter Friedman Dianne Hull • Patricia Richardson • Andy Fenwick | ||
| Müsica: Don Christensen Joel Harris • Julia Heyward | ||
| Léngua: Ingléś | ||
| Dürä dal film: 100 minüt | ||
| Nasiōṅ: Stat Unî | ||
Christmas Evil - Un Natale macchiato di sangue (Nadâł catìṿ - Un Nadâł maciâ 'd sànguv) 'l è 'n film ad scarésa americàṅ dal 1980 scrit e dirèt par Lewis Jackson, cgnusû in Amèrica c'n i tìtui ad You Better Watch Out, Christmas Evil e Terror in Toyland.
La pelìcula l'è stada giràda in dal New Jersey a part soquànti séni a New York (al Rockefeller Center ad Manhattan e la piàsa 'd Times Square) e a Reading (Pennsylvania). Al budget stimâ 'l éra 'd utsènt-sinquantamìla dòlar.
Sunt
Durànt la vigìglia 'd Nadâł dal 1947, un baghét 'd un paiśèṅ dal New Jersey, Harry Stadling (Gus Salud), al véd sò màdar (Ellen McElduff) far la purcùsa in salòt cun Pàdar Nadâł (Brian Hartigan), sò pàdar, dòp che chi lò 'l iva cunsgnâ i rigài. Al putèṅ 'l armàgn traumatiśâ e 'l và a lugàr-'s in dal tasèl mòrt.
Trénta-tri an dòp, dvintâ grand, Harry (Brandon Maggart) al lavóra cuma uperàj in na fàbrica 'd śugàtui ciamàda Jolly Dreams ma durànt al tèmp lìbar al gh'à 'l visi 'd tgnir 'd òć i putèṅ dal palàs darènt par sgnar su 'n lìbar qvéi ch'i fàn'n a mōd e qvéi ch'i s cumpòrtan mâł cuma cal malnét ad Moss Garcia (Peter Neuman) ch'i piàś'n al rivìsti c'n al dóni nudi dèntar.
Vèrs la fiṅ d'l an un culéga 'd Harry, Frank Stoller (Joe Jamrog), al gh admànda 'd sustituìr-'l a la cadéna 'd muntàǵ parchè al vrév pasàr na vacànsa cun sò mujēr mo invéci al dasfrùta la giurnàda libra p'r andàr a bév'r a 'l bar cun di amìg. Harry 'l al bèca par caś là e al s incàsa dimóndi sèg pò al decìd anc 'd a n andàr minga a la séna dal Ringrasiamènt a cà 'd sò fradèl Phil (Jeffrey DeMunn) e 'd sò mujēr, la Jackie (Dianne Hull), parchè 'l è sèmpar dûr sèg.
A la fèsta 'd Nadâł dl'aśiénda, al padròṅ dla Jolly Dreams, al sgnōr Wiseman (Burt Kleiner), al diś a i sò dipendènt che insém a George Grosch (Peter Friedman) 'l à strulgâ na campàggna publisitària, da far in televiśiòṅ, par dunàr di rigài a i putèṅ malâ d'l uśdàł dla sità ma a gh sarév da far crésar prima la prudusiòṅ laurànd da piò e pò a s véd ch'a n gh in ciàva gnint a dir-la tuta parchè al n sà gnanc al nùm'r eśàt di baghét. Decìś ad vendicàr-as dla gint ch'la s cumpòrta a 'l arvèrsa e 'd premiàr invéci i bòṅ, vistî da Pàdar Nadâł, Harry al taca a masàr di catìṿ cuma Frank.