Chopper

Da Wikipedia.

C'l artìcul chè 'l è scrit in Miranduléś Emiliàn

Chopper
Chopper

Eric Bana in na figùra dal film
id.
2000
Regìa: Andrew Dominik
Scritōr: Mark Brandon Read • Andrew Dominik
Atōr: Eric BanaSimon LyndonVince Colosimo
David FieldDan WyllieBill YoungKate Beahan
Müsica: Mick Harvey
Léngua: Ingléś
Dürä dal film: 94 minüt
Nasiōṅ: Austràglia


«
La véra, la véra a mità e gnint àtar che la véra.»
(Tagline dal film)


Chopper (id.) 'l è 'n film dramàtic e biugràfic dal 2000 ch'al cònta la vita dal criminàł austragliàṅ Mark Brandon Read dit “Chopper” (Elicòtar, persunàǵ di cartòṅ animâ ad quànd 'l éra pìcul) parténd da la sò autobiugrafìa.

'L è stâ girâ p'r Andrew Dominik cun prutagunìsta 'l atōr Eric Bana che durànt al film, par métar sù dla pansa, 'l è stâ custrét a mandàr śò par quàtar stmani dal magnàr “rusc” a róta 'd còl.

Sunt

Mark Read (Eric Bana) dit "Chopper" al 'n à fati ad tut i culōr in dla sò vita anc s'al n gh'à gnanc daśdòt an: masamènt, turtùri e rubarìi. Adès 'l è in parśòṅ ma insém a di àtar al trapèla ad scapàr via da 'd lè. Quànd qvist chè i al tradìsan e i al scurtèlan, Mark al i pénsa tuti par turnàr lìbar, al s taja via anc gl'uréci.

In séguit, dòp soquànt an, al pasa la sò vita dènt'r e fóra fra dròga, sès e alcool insém a la sò muróśa dna vòlta, la Tanya (Kate Beahan). Dòp avér cupâ un delinquènt cgnusû cuma Sammy al Turc (Serge Liistro) al finìs incóra in parśòṅ in dua al taca a scrìv'r un lìbar c'n al sò memòri.

Culegamènt estéran