Choose me - Prendimi

Da Wikipedia.

C'l artìcul chè 'l è scrit in Miranduléś Emiliàn

Choose me
Choose me - Prendimi

La Bujold e Carradine in na figùra dal film
Sarnìs mè!
1984
Regìa: Alan Rudolph
Scritōr: Alan Rudolph
Atōr: Geneviève BujoldKeith Carradine
Rae Dawn ChongLesley Ann Warren
Robert GouldJohn LarroquetteJodi Buss
Gailard SartainPatrick BauchauMike Kaplan
Müsica: Teddy Pendergrass
Phil Woods • Luther Vandross
Léngua: Ingléś
Dürä dal film: 106 minüt
Nasiōṅ: Stat Unî


«
A nòt fónda, in dal méntar che tut chi àt'r i dòrum...»
(Tagline dal film)


Choose me - Prendimi (Sarnìs mè!) l'è na cumèdia dramàtica dal 1984 'd Alan Rudolph ch'al l'à anc scrita. L'è stada giràda a Los Angeles (Califòrgna) druànd utsènt-trentamìla dòlar a 'l incìrca e faghénd-an pò sù dū migliòṅ.

'L è stâ preśentâ fóra cuncōrs a 'l 37śum Fèstival ad Cannes.

Sunt

Mickey (Keith Carradine) 'l à pasâ soquànt an dla sò vita in 'n uśdàł prichiàtric in dua tut qvél ch'al cuntàva 'l éra cardû na bala. Prima al fava 'l fotogràfar e 'l pilòta 'd aparéć, anc la spia par la CIA in Ugnòṅ suvietìca a s pōl dar. Quànd i 'l làsan lìbar al tórna a Los Angeles par pascàr na dóna ciamàda Eve. Rivâ in sità al và a tōr quèl in un bar ch'a gh'à 'l stés nóm e al taca a dascórar cun la pruprietària ch'la s ciàma Eve anc lē (Lesley Ann Warren). Prima ad far cal mistēr chè la dóna la fava la putàna ma 'l biśógn ad śnum a gh'è armàś sèmpar, acsè cuma 'l sò èsar na purcùsa patintàda.

L’Eve la s inamóra 'd lò ma la n è minga la sōla. A i sò pē i cród'n anc la Nancy (Geneviève Bujold), na dóna ch'la rispónd a la ràdio a dal dmandi su 'l sès druànd al nóm ad Love, e la Pearl Antoine (Rae Dawn Chong), mujér spuśàda malvluntéra cun 'n óm più vèć ch'al gh mét anc i còran.

Culegamènt estéran