Cascàdi dal Buśamànt
|
C'l artìcul chè 'l è scrit in
Miranduléś |
Al cascàdi dal Buśamànt i èṅ dal cascàdi ch'i s càt'n in dal cumùṅ ad La Sèra in pruìnsa 'd Mòdna, in lucalità „Granarōl“. I nàs'n a 650 métar s.l.m. da 'n afluènt dal turènt Tévad, al Rio Buśamànt, in dla góla gh'a gh'è fra 'l mònt ad Munfestîn a òvest e 'l mònt Curasàṅ a èst.
A gh s pōl rivàr pasànd in mèś a 'n bòsc tulénd òṅ di dū sintēr ciamâ Titiro e Odina, i nóm ad dū amànt che, tgnénd adrē a na legénda dal pòst, i arévan pardû la vita andànd a fónd in dal „buś di amànt“ dla cascàda.
Al cascàdi dal Buśamànt i fànan part dla réda di „Parc dl'Emìglia Sentràla“ (2018) dla Regiòṅ Emìglia-Rumàgna.