Carrie 2: la furia
|
C'l artìcul chè 'l è scrit in
Miranduléś |
 The Rage: Carrie 2
| ||
| Carrie 2: la furia | ||
 L'Emily Bergl e l'Amy Irving in na figùra dal film | ||
| Carrie 2: l'arlìa 1999 | ||
|---|---|---|
| Regìa: Katt Shea | ||
| Scritōr: Stephen King • Rafael Moreu | ||
| Atōr: Emily Bergl • Jason London • Amy Irving Dylan Bruno • Eddie Kaye Thomas • Mena Suvari | ||
| Müsica: Danny B. Harvey | ||
| Léngua: Ingléś | ||
| Dürä dal film: 104 minüt | ||
| Nasiōṅ: Stat Unî | ||
Carrie 2: la furia (Carrie 2: l'arlìa) 'l è 'n film ad scarésa americàṅ dal 1999 dla Katt Shea, séguit ad Carrie, lo sguardo di Satana ad Brian De Palma, pelìcula trata da 'n rumànś ad Stephen King.
Custâ vint-i-òṅ migliòṅ ad dòlar, al film al 'n à fat pò sù dagnóra daśdòt.
Sunt
I èṅ pasâ vint an da 'l masèl di studènt in dla sitadìna 'd Chamberlain (Maine) in du na ragasōla “ginger” ciamàda Carrie White (Sissy Spacek) l'iva cupâ telecineticamènt i sò cumpàgn durànt la nòt dal bal dla scōla dòp che chi lōr i gh'ìvan tirâ un schèrs dimóndi brut e catìṿ par tōr-la in gir. Una dal pôchi śōvni scampàda a i masamènt, la Sue Snell (Amy Irving), la s è arfàta na vita insgnànd psiculugìa in dal licèo Ewen tirâ sù darènt a 'l teàtar dal masàcar.
Una dal studènti 'd cla scōla lè l'è la Rachel Lang (Emily Bergl), na ragàsa cun di prubléma finìda in adusiòṅ dòp che sò màdar, insiminìda dal tut, l'è stada misa in manicòmi. Tut i sò cumpàgn i gh dàn'n adòs, sōl al sò caṅ e la sò amìga Lisa Parker (Mena Suvari) i gh vōlan bèṅ. Un dè però chi lē la decìd ad tōr-as la vita par cólpa dal sò muróś e stéla dla squàda 'd fùtbol americàṅ Eric (Zachery Ty Bryan) ch'l iva strulgâ 'n śuglèṅ insém a i sò cumpàgn Mark (Dylan Bruno) e Jesse (Jason London), qvél ad gusàr-as più studènti ch'a s pōl par pò dar-'g i vōt a lèt.
La Sue la tōś la deciśiòṅ ad denunsiàr incòsa a 'l sierìf Kelton (Clint Jordan). I ragàs i s métan 'd acòrd par far-'g-la pagàr mo i n sànan minga che la ragàsa la gh'à di putēr telecinètic esénd lē la surèla dla Carrie avénd al stés pàdar, Ralph White.