Visualizza wikitesto di Carrie, lo sguardo di Satana

{{Metacaixa
|id=0
|color=
|bt1=Miranduléś
|bticona1=[[File:Mirandola-stemma.gif|16px]]
|ps1=
__NOTOC__

{{dialort | dial=Miranduléś}}

{{Film
|Foto=Carrie.png
|Didascalia=La Sissy Spacek in na figùra dal film
|Tìtul uriginäl=Carrie
|Tìtul in ITA=Carrie, lo sguardo di Satana
|Tìtul in EML=Carrie, l'uciàda 'd Sàtana
|Ann=1976
|Regia=[[Brian De Palma]]
|Scritùr=[[Stephen King]] • Lawrence D. Cohen
|Atùr=[[Sissy Spacek]] • [[Piper Laurie]] • [[Amy Irving]]<br>[[Nancy Allen]] • [[John Travolta]] • [[William Katt]]<br>[[Betty Buckley]] • [[P.J. Soles]] • [[Priscilla Pointer]]<br>[[Sydney Lassick]] • [[Michael Talbott]] • [[Doug Cox]]
|Müsica=[[Pino Donaggio]]
|Dürä dal film=94
|Lengua=[[Ingléś]]
|Nasiòn=[[Stat Unî]]
}}

{{CITAZIONE2|They're all gonna laugh at you!|I rid'ràṅ tut ad tè!|La ''Piper Laurie'' la mét in s'l avìś la ''Sissy Spacek'' ma chi lē la n gh dà gnanc a mènt|DIALETTO={{Mud}}|LINGUA={{En}}}}


'''Carrie, lo sguardo di Satana''' (''Carrie, l'uciàda 'd Sàtana'') 'l è 'n film dramàtic e ad scarésa dal 1976 ad [[Brian De Palma]] e 'l è trat, par la prima vòlta, da 'n rumànś ad [[Stephen King]]. 

Al gh'à abû 'n séguit in dal 1999 da 'l tìtul [[Carrie 2: la furia‎]].

== Sunt ==

La ''Carrie White'' ([[Sissy Spacek]]) l'è na ragàsa tìmda ch'la fà 'l ùlt'm an dal scōli superióri: la fà fadìga a far-as di amìg parchè l'è sèmpar stada tgnuda a cà da sò màdar ''Margaret'' ([[Piper Laurie]]), una cun la fisa dla [[Cèsa Catòlica]]. Dòp na partìda ad [[vóley]], méntar l'è drē a far-as na dócia, la gh'à al sò primi [[Mestruasiòuṅ|mestruasiòṅ]] e, a n savénd briśa quél ch'l éra drē a sucéd'r-ag, la rèsta lè squasàda dal tut, sóta al ridùdi dal sò cumpàgni ch'i la tōś'n in gir. Sōl la ''Sue'' ([[Amy Irving]]) la s tōś a cōr al sò caś, cunvinsénd al sò murōś ''Tommy Ross'' ([[William Katt]]) a 'nvidàr-la a 'l bal dal licèo.

In cal méntar la ''Carrie'' la capìs 'd èsar bòna ad mōv'r i quèi cun al pinsér e la dasfrùta cal putēr lè par far in manéra 'd andàr a 'l bal listés, anc cónt'r al vlēr ad cla dasciòldacrìst ad sò màdar. Ma ad nascòsc la ''Chris Hargenson'' ([[Nancy Allen]]) e al sò ragàs ''Billy Nolan'' ([[John Travolta]]) i s inśégnan par tiràr-'g un tragatèṅ dimóndi catìṿ. I vōlan difàti butàr-'g adòs un séć pîṅ ad sangṿ ad [[Nimêl|nimàl]] durànt al bal. E 'l è quél ch'a sucéd dabòṅ: méntar la ''Carrie'' l'è in sal palc par ricévar al prèmi dla còpia più bèla dla sira, in dal dè più bèl dla sò vita, la ''Chris'' la tira la lasa dal séć e la ''Carrie'' la s impinìs ad rós, pròpria méntar tuta la gint la taca a rìd'r ad lē, anc i prufesōr.

Vilìda e dastrùta ad dèntar, la ''Carrie'' la tira fóra tuta la sò arlìa e, druànd la sò [[telecinéśi]], la i cópa tut. Turnàda a cà par lavàr-as, la gh'à da patìr anc la matéria ad sò màdar.

== Arcgnusimènt ==
* [[Prèmi Òscar]] dal 1977:
** ''Nomination'' par la [[Sissy Spacek]] cuma mijóra atóra prutagunìsta
** ''Nomination'' par la [[Piper Laurie]] cuma mijóra atóra minga prutagunìsta
* [[Golden Globe]] dal 1977:
** ''Nomination'' par la [[Piper Laurie]] cuma mijóra atóra minga prutagunìsta
* [[Saturn Award]] dal 1977:
** ''Nomination'' cuma mijór film ad scarésa
* [[Fèstiva 'd Avoriaz]] dal 1977:
** ''Gran Prix''
** ''[[NSFC Award]]'' a la [[Sissy Spacek]]

== Culegamènt estéran ==
* {{en}} [https://www.imdb.com/title/tt0074285/ La schéda dal film in s'l ''IMDb''] 
* {{it}} [http://www.film.tv.it/film/1337/carrie-lo-sguardo-di-satana/ La schéda dal film in sal ''FilmTV''] 

|sel=1
}}

{{Brian De Palma}}

{{DEFAULTSORT:Carrie, lo sguardo di Satana}}
[[Categoria:CINEMA]]
[[Categoria:FILM]]