Carlo Calenda
|
C'l artìcul chè 'l è scrit in
Miranduléś |
Carlo Calenda (Róma, 9 'd Avrìl dal 1973) 'l è 'n dirigìnt 'd aśiénda e pulìtig itagliàṅ.
Fiōl dla regìsta Cristina Comencini, da pìcul 'l à fat la part 'd Enrico Bottini in dal senegiâ dal lìbar Cōr dirèt par sò nunòṅ Luigi Comencini.
Biugrafìa
Laureâ in giurisprudénsa a La Sapiénsa 'd Róma, indirìs „dirìt internasiunàł“, da śōv'n al taca a lauràr in soquànti sucietà finansiàri par pò pasàr a la Ferrari sóta Luca Cordero di Montezemolo, a 'l canàł Sky e pò a Cunfindùstria cuma asistènt dal presidènt.
In dal 2016 'l è numinâ Minìstar p'r al śvilùp ecunòmig in di guèran Renzi e Gentiloni. A 'l sò pòst, in dal 2018, al guèran dal cambiamènt al gh mét Luigi Di Maio, espunènt dal Muimènt Sinc Stéli[1].
Mémbar dal partî demucràtic da 'l Mars dal 2018, in dal 2019 cun 275.161 preferénsi al vîṅ elèt deputâ a 'l parlamènt européo in dla circuscrisiòṅ nòrd-urientàla, qvéla ch'la gh'à dèntar l'Emìglia-Rumàgna.
Culegamènt estéran
Nòti
- ↑ «Gràsie a tut, al Guèran dal cambiamènt 'l è tacâ»: al Minìstar Di Maio tut cuntènt Napoli Today, 31 ad Maǵ dal 2018