Câr
(Reindirizzamento da Car)
|
C'l artìcol chè 'l è scrit in
Carpśàn |
Al câr, dìt anc carèt o carèta (in itagliàn carro o carretto o carretta, da 'l latèin carrus), 'l è na manéra 'd traspurtèr di quêl o anca dal persòuni sù dō o quàter ródi, sìa che a tirèr i sìen dal bésti o anc di cristiàṅ o anca 'n mutōr. Al lègn druê per custruìr-i al dēv èser dimòndi ciùnt, c'ma quèl dla quérsa, vìst che 'l câr al gh'à da tgnìr a bóta a la néva, a la pióva e ai squâs 'd sòt a 'l pēś edla mercansìa.
Soquànti sorti ed câr
- Al câr da l'ùa: per purtèr l'ùa a la cantèina dal vèin
- Al câr da mort: al câr mortuàri
- Al carèt di ślê: quêl ch'al vend i ślê in gir p'r el sitê
Manéri ed dìr
- (CARPŚ) Mèt'r al câr davànti ai bō, (IT) (lett.) Mettere il carro davanti ai buoi, (fig.) Sottovalutare le difficoltà, Agire alla rovescia[1].
- (EGL) Tirèr la carèta, (IT) (lett.) Tirare la carretta, (fig.) Mantenere la famiglia.
- (MUD) Éser un car ratt,[2] (IT) (lett.) Essere un carro rotto, (fig.) Essere malandato in salute.
(CARPŚ)
«
...lò, Restito, l'era gnu a cà cun un car nov, e tutt i eren curs in mes a l'êra a guardèrel! E cuma l'era pin ed «maledisiòun» per tgnir luntan i catìv teimp e la timpesta seca! Sota al timòun, ch'al bisòun dala cresta tutt verd cun la boca averta e i ragassòo ch'il vriven tuchèr e al gh'feva paura e al gh'feva curag! Dedrè, dsover dal mulinèl, al gh'ìva ch'al testòun cun d'intorna tutt chi gràp d'ua colorè... Alòra a s vivìva anch ed sodisfasiòun e al padròun vec l'era arivè e l'iva ditt: «Restito, che bel car!» E la ginta, quand al pasèva per andèr a la Segra cun i bò, tutt quacè ed cuèrti operèdi cun i fioc, is fermeven in mes a la streda e i ggiven: „Che tachèda, Restito!”»
(dal Carlo Contini, al còunt "Al car" in "Al car - Racconti carpigiani", Chèrp, 1983, pâǵ 79)
Vōś lighèdi
Èter progêt
Wikiquote contiene citazioni di o su Câr
Wikimedia Commons contiene file multimediali su Câr
Wikizionario contiene la voce di dizionario «Câr»
Colegamèint estèren
- (IT) D'indû a deśvìn al só nòm in sìm'a etimo.it.
- (IT) La vōś in sìm'a la Treccani.