Captain America - Il primo Vendicatore

Da Wikipedia.

C'l artìcul chè 'l è scrit in Miranduléś Emiliàn

Captain America:
The First Avenger
Captain America - Il primo Vendicatore

Chris Evans in na figùra dal film
Capitàṅ Amèrica - Al prim Vendicadōr
2011
Regìa: Joe Johnston
Scritōr: Christopher Markus
Stephen McFeely • Joe Simon
Atōr: Chris EvansTommy Lee JonesStan Lee
Hugo WeavingHayley AtwellSebastian Stan
Dominic CooperToby JonesKenneth Choi
Samuel L. JacksonNeal McDonoughJJ Feild
Derek LukeRichard ArmitageStanley Tucci
Müsica: Alan Silvestri
Léngua: Ingléś
Dürä dal film: 124 minüt
Nasiōṅ: Stat Unî


«
Un qualchidòṅ al nas eróe, di àtar i al dvèntan.»
(Tagline dal film)


Captain America - Il primo Vendicatore (Capitàṅ Amèrica - Al prim Vendicadōr) 'l è 'n film fantàstic americàṅ dal 2011 ad Joe Johnston trat da 'l persunàǵ di fumét dla Marvel Comics creâ in dal 1941 par Joe Simon e par Jack Kirby. 'L è vgnû fóra in di schérum ad tut al mónd al 22 ad Luj dal 2011, anc in 3D. Al gh'à abû un séguit in dla 2014 ciamâ Captain America: The Winter Soldier e 'l è ligâ a 'n àtar film dal 2012, The Avengers.

Stan Lee al fà 'n cameo in dal film in dua al gh'à 'l rōl 'd 'n uficiàl d'l eśèrcit americàṅ. Quànd a salta fóra in sal palchét un persunàǵ che lò al créd èsar Capitàṅ Amèrica, al fà la batùda “A m al figuràva più élt!”.

Custâ sènt-quarànta migliòṅ ad dòlar, al film al 'n à pò purtâ a cà da piò ad tarśènt-sinquànta.

Sunt

Durànt i an dla secónda guèra mundiàla, al treménd Johan Schmidt (Hugo Weaving), cap dna diviśiòṅ ad siensiâ ciamàda HYDRA ch'la lavóra par cònt 'd Adolf Hitler, al pòrta via da 'n castèl ad Tønsberg in Nurvégia al Tesseract, un cub misterióś ligâ a i putēr di Dio nòrdic.

In cal méntar a New York un śōvan magrulèṅ e patî, Steve Rogers (Chris Evans), al próa in tut al manéri a far-as tōr da 'l eśèrcit americàṅ p'r andàr a cumbàtar in Europa, cuma i aṅ fat c'n al sò amìg James Barnes (Sebastian Stan) dit “Bucky”, ma a n gh'è vèrs. Sōl dòp dimóndi tintatìṿ al gh'à via libra p'r òpra 'd Abraham Erskine (Stanley Tucci) ch'al véd in lò curàǵ, patriutìśum e cōr bòṅ e sćèt. Rogers al và a far-'s i òs sóta 'l cmand dal culunèl Chester Phillips (Tommy Lee Jones) e dl'agìnta Peggy Carter (Hayley Atwell). Al vèṅ anc sarnî p'r un esperimènt, qvél ad dar vita a di super suldâ druànd un sêr speciàl, invintâ par Erskine, ch'l è bòṅ ad dar fòrsa, śvélta e mùscui. Johan Schmidt 'l éra stâ 'l prim a pruàr-al ma p'r al fat ch'al n fus incóra parfèt 'l éra armàś uféś in dla ghigna, bruśàda 'd rós. Par quaciàr la sò fàcia al tedésc al s éra mis adòs na mascra 'd pèla.

In Germâgna Schmidt e al sò siensiâ Arnim Zola (Toby Jones) i gh la càvan a far di sćiòp mudèran druànd l'energìa dal Tesseract. Dvintâ in cal méntar un cumbatènt da par lò, c'n al scutmàj ad Tésć Rós, Schmidt adès al vōl dvintàr al padròṅ dal mónd, miténd da na banda Hitler. Par far-al al fà cupàr subìt Erskine. Par diféndar la demucrasìa, Steve Rogers al dvènta Capitàṅ Amèrica.

Culegamènt estéran