Cambia la tua vita con un click

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Click
Cambia la tua vita con un click
Cambia la tua vita con un click.png
Sandler e Walken in na figùra dal film
Càmbia la tò vita c'n un click
2006
Regia: Frank Coraci
Scritùr: Steve Koren • Mark O'Keefe
Atùr: Adam SandlerKate BeckinsaleSean Astin
Christopher WalkenJulie KavnerHenry Winkler
David HasselhoffJonah HillDolores O'Riordan
Müsica: Rupert Gregson-Williams
Lengua: IngléśPurtughéśGiapunéś
Dürä dal film: 107 minüt
Nasiòṅ: Stat Unî


«
E s'at psis telecmandàr al tò mónd?»
(Tagline dal film)


Cambia la tua vita con un click (Càmbia la tò vita c'n un click) l'è na cumèdia americàna dal 2006 ad Frank Coraci candidàda a i Prèmi Òscar dal 2007 p'r al truc mijór.

In dla sò culòna sunóra i s càtan di pès di U2 (Ultraviolet (Light My Way)), di Offspring (Come Out and Play), di T. Rex (20th Century Boy), di Beastie Boys (No Sleep Till Brooklyn), di Tears for Fears (Everybody Wants to Rule the World), ad Tony Bennett (With Plenty of Money & You), di Cranberries (Linger) e dimóndi àt'r incóra.

Cl'òpra chè l'è custàda utànta-dū migliòṅ ad dòlar a 'l incìrca ma la 'n à pò muciâ sù da piò ad duśènt-trentasèt.

Sunt

Michael Newman (Adam Sandler), fiōl ad Ted (Henry Winkler) e dla Trudy (Julie Kavner), al fà 'l architét sóta padròṅ laurànd p'r al studi dal sgnōr Ammer (David Hasselhoff). 'L è spuśâ cun la Donna (Kate Beckinsale) e al gh'à dū putèṅ pìcui, Ben (Joseph Castanon) e la Samantha (Tatum McCann). P'r al fat ch'i bèsi i n èṅ mai abàsta e par far caréra Michael al pasa tut al sò tèmp a far di prugèt e minga a star insém a la sò famìja.

Un dè al còmpra da 'n tisi strâṅ ciamâ Morty (Christopher Walken), in segrét 'l àngil dla mòrt, un telecmànd universàł che però al funsiòna anc cun la gint esénd ch'al pōl far-la star sit quànd la t astà adòs, farmàr al tèmp o far-'l andàr avànti in présia quànd a gh'è quèl ad nujóś o ch'a fà vgnir dū bali acsè cuma di tèmp mòrt, dal litgàdi o dal mâł fìśic. A 'l inìsi Michael 'l è cuntènt 'd avér un śavàj dal gèn'r in maṅ ma pò al s pintìs 'd avér-al tòlt parchè acsè al s pèrd tut al sèns dla vita.

Culegamènt estéran