Cabal

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Nightbreed
Cabal
Cabal.png
Cronenberg e Craig Sheffer in na figùra dal film
Cungréga
1990
Regia: Clive Barker
Scritùr: Clive Barker
Atùr: Craig ShefferCharles HaidDoug Bradley
David CronenbergHugh QuarshieAnne Bobby
Müsica: Danny Elfman
Lengua: Ingléś
Dürä dal film: 102 minüt
Nasiòṅ: Stat Unî


«
Anc tè 't sē 'n... Cabal.»
(Tagline dal film)


Cabal (Cungréga) 'l è 'n film ad scarésa americàṅ dal 1990 ad Clive Barker trat da 'n sò racònt umònim. In dla part dal catìṿ dal film, al dutōr masadōr seriàł, a gh'è 'l sò amìg regìsta David Cronenberg.

Custàda ùndas migliòṅ ad dòlar, la pelìcula la 'n à pò purtâ a cà dagnóra nóṿ.

Sunt

Aaron Boone (Craig Sheffer) 'l è 'n ragàs turmintâ parchè ad nòt al gh'à di arbgàt spavintóś in dua al s insùnia di móstar ch'i vìv'n in na sità dimóndi stràna, „Midian“. Tgnénd adrē a i cunsìli dla sò muróśa, la Lori Desinger (Anne Bobby), al decìd ad far-as curàr da 'l dutōr Philip K. Decker (David Cronenberg) ch'l è anc 'n psicanalìsta e 'n masadōr seriàł sénsa cōr. Chi lò al gh fà crédar 'd èsar lò 'l sasèṅ ch'l à fat fóra dimóndi famìji dal pòst, pò al gh dà d'l LSD da tōr faghénd-ag crédar ch'a fus dal lithium.

Al śōvan, insiminî da cla dròga lè e sóta gl'efèt dal delìri, al vèṅ mis sóta da 'n càmion e acsè al finìs a 'l uśdàł ma pò al s in và par pascàr la „Midian“ di sò insùni. Al riva acsè a 'n campsànt bandunâ in dua al vèṅ murśgâ a la spala da 'n móstar ch'l al fà dvintàr òṅ ad lōr. Aaron al próa a scapàr via ma 'l cata Decker cun la pulisìa sèg. Al mèdag al gh fà sparàr cupànd-al.

Dòp èsar stâ purtâ cadàv'r a 'l ubitòri, Aaron al tórn' in vita e al decìd 'd andàr a „Midian“.

Culegamènt estéran