Cōrs ed la Gêra

Da Wikipedia.
C'l artìcul chè 'l è scrit in Arzân Emiliàn

Provincia di Reggio Emilia-Stemma.png Artécol in dialèt arzân Reggio Emilia-Stemma.png


Al Cōrs ed la Gêra ciamê incō Cōrs Garibaldi (Corso della Ghiara oggi Corso Garibaldi in italiân) l'é la strêda pió impurtânta ed la sitê dôp la Via Emélia. Al nòm Gêra al deşvîn da "gêra", còla ch'l' ēra int al Cròstel che, fîn al 1226, al curîva in dóv' adès a gh'é apûnt al cōrs.

Piâsa Gioberti ('na vôlta Piâsa Adelgonda)

Al cōrs al cumîncia da la Via Emélia, in 'na piasèta fât int al 1843 cun la zachêda ed sînch cà (ciamêdi işòla Guaschi) per fêr pôst a la gólia (ed sôlit ciamêda da j arzân "La Gólia"), êlta quêşi 18 mēter, tirêda só per festegêr al matrimòni dal dóca Francesco V d' Este cun la fiōla dal rè ed Baviera Aldegonda. Int al 1882 la gólia la vîn cunsacrêda a i prém môrt dal Risorgimèint.

Palâs impurtânt lòngh al Cōrs

Un pô pió avanti ed la Gólia a gh'é la monumentêla Başélica 'd la Madòna 'd la Gêra, ch'l'é 'd frûnt al Palâs Duchêl, adèsa pôst ed la Pruvîncia e ciamê adès Palâş Alliende. Al cōrs al và avânti cun un dòpi filêr ed téj.Fra i palâs pió impurtânta l'é da seganlêr Palâs Magnani, cun al d'ed fōra la stâtva dal Giano cun al dō fâci

Piâsa dal Crést (adèsa Piâsa Roversi)

A la fîn dal cōrs a gh'é la Piasèta dal Crést, cun l' uratôri cun l'istès nòm in stîl barôch. Pió avânt as rîva a óna dal pôrti ed la sitê Pôrta Castèl

Manifestasiòun

La stmâna ch' la rîva prém ed l'8 setèmber ed tót j ân al Cōrs l'é al pôst ed l'antiga fēra ed la "Giarêda".



Nôta: cla pâgina ché l'é stêda inviêda cun 'na tradusiòun da Corso della Ghiara trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.