Cēşa ed Sânta Maréia Asûnta
| C'l artìcul chè 'l è scrit in Arzân | 
|
Artécol in dialèt arzân
La Cēşa ed Sânta Maréia Asûnta (Chiesa di Santa Maria Assunta in italiân) l'é un fabrichêt religiōs, in Via Catellani int la frasiòun ed Sèss ed Rèz. La cêsa l'é ânca al sît ed la parôchia cun l'istès nòm, la fà pêrt dal Vicariêt Sitadèin ed la Diôceşa ed Rèz-Guastâla.
Un pô de stôria e spiegasiòun
In un documèint dal 980 la rişûlta tra i bèin ed la Cēşa ed Rèz. Pasêda pó al cunvèint ed Sânt Mêş, int al 1475, 'na volta turnêda tr' al proprietê ed la Diôceşa, la vîn arfâta e dôp mudifichêda e restarvêda soquanti vôlti. Int al '700 è stê fât un restâver ch' al l'à purtêda a còla ch' as vèd incō. L'êlta e sutîla tòra dal campâni l'é stêda cumincêda, int al 1740, dal Ferraroni e finîda dal Tarabûsi. La cēşa d'ed fōra la preşèinta 'na facêda a la bòuna, cun a i lê dō néci cun dèinter al stâtvi ed Sân Juşèf e Sân Vinsèins Ferreri. A dréta a vîn só la tòra, la pió êlta ed la pruvîncia, che a câşva ed la deblèsa dal trèin, la pîga un pô. L'intêren, restarvê int al 1896 e int al 1946, l'é a 'na navêda sōl, urnêda da dòdeş clòuni che tînen só la cópla centrêla. Int al facêda intêrna a gh'é l'afrèsch ed la Dòna ed l'Apocalisse, fât dal pitōr pramşan Bolla. Sèimper ed Bolla în i quâter Vangelésta piturê int la cópla e l'Assunta int al quêder 'd altêr ed l'âbsida. Al côro in lègn al gh' à la dâta dal 1790. Int al côro a dréta a gh'é 'na rapreşentasiòun, dal Sesèint, in al stîl ed Caravaggio ed la Flagelasiòun ed Gesó.
Elèinch di léber
- Ferdinando Fabbi Guida di Reggio nell'Emilia-Città del Tricolore, Reggio nell'Emilia, 1962
Vōş coleghedi
Nôta: cla pâgina ché l'é stêda inviêda cun 'na tradusiòun da Chiesa di Santa Maria Assunta (Reggio Emilia) trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.