Cēşa ed Sân Zôrz

Da Wikipedia.

Artécol in dialèt arzân

La tòra e la cópla

La Cēşa ed Sân Zôrz (chiesa di San Giorgio in italiân) l'é un fabrichêt religiōş in Via Farini, int al cèinetr stôrich ed Rèz.

Stôria[modifica | mudéfica la surzéia]

Numinêda per la préma vôlta in soquânt documèin dal 1146 e 1610 l'é pasêda sòta a i Geşuéta che grâsia al finansiamèint ed Flaminio Ruggeri, int al 1638, àn butê zò e pó arfât la cêşa Tr' al 1675 e al 1678 a vîn tirê só la tòra. Int al 1743, da un progèt ed l'architèt bulgnèiş Torreggiani, în stêdi fâti la cruşēra e la cópla. Dvineda proprietê dal Cmûn, l'é stêda sarêda dôp al taramôt dal 1966 e dôp soquânt intervèint ed restâver dal tèg e 'dla faceda, l'é stêda turnêda arvîr per la mòstra ed la smâna europea ed la fotografèia.

Spiegasiòun[modifica | mudéfica la surzéia]

Per la pôca larghèsa ed la véia as fà fadîga vèder la facêda, in quadrē a vésta, urnêda da divêrsi scultûri e da un grôs purtêl urnê da un basrilēv cun Sân Zōrz ch' al mâsa al drêgh. L'intêren l'é fât da 'na navêda sōl cun 'na vôlta e a i lê a gh'în divêrsi capèli unîdi da curidōr. Int la préma capèla a dréta e gh'é un quêder cun al figûra ed Sân Luîg Gunsêga, ôvra ed Luigi Cassarini e 'd Gerolamo Nassarini. Int l'istèsa capèla e gh'é un ritrât ed Sân Luîg Gunşêga, ôvra ed Paolo Veronese. Int la secònda capèla e gh'é 'na tèila cun i Sânt Ignâsi e Francèsch 'd Alessandro Tiarini. Int al têrs a gh'é un quêder, 'd Orazio Talami, cun Sân Juşèf. Tót l'intêren, mó specialmèint al capèli, în urnêdi da splèndid stóch. Int l'altêr principêl a gh'é trî quêder.In còl al cèinter, ed Pietro Rotari, a gh'é la figûra ed Sân Zôrz impgnê a sacrifichêr i dio, in còl a mansèina, ed Francesco Vellani, a gh'é al martéri, e in còl a dréta, ed Giovanni Bettino Cignaroli, l'arèst dal Sânt.

Elèinch di léber[modifica | mudéfica la surzéia]

  • Guglielmo Piccinini, Guida di Reggio nell'Emilia e provincia, 1931


Nôta: cla pâgina ché l'é stêda inviêda cun 'na tradusiòun da Chiesa di San Giorgio (Reggio Emilia) trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.