Cēşa di Sânt Chêrel e Ègta
| C'l artìcul chè 'l è scrit in Arzân | 
|
Artécol in dialèt arzân
La cēşa di Sânt Chêrel e Ègta (chiesa dei Santi Carlo e Agata in italiân), ed sôlit ciamêda Sân Chêrel, la 's câta int al cèinter stôrich ed Rèz e la dà in véia Sân Chêrel.
L'an 's cgnòs mia facilmèint in mèz al cà cunfinânt, se mia per la curvadûra ed l'âbsida int la pêrt dedrē ch'la dà in véia Manfredi, incō la cēşa l'é quêşi abandunêda.
La vîn arfâta da tót int j ân e-ssânta dal XVII sècol só disègn ed Luigi Bartolomeo Avanzini e sòta la diresiòun ed l'architèt arzân Girolamo Beltrami. Préma l'uratôri l'ēra dedichê a Sân Faustèin fîn da l' 857 e dal 1549 a Sânt' Ègta. Sōl int al 1639, cun l'aquést ed l'uratôri da pêrt ed la cumpaghía ed Sânt' Ègta, a vîn zuntê la dèdica a Sân Chêrel.
Dôp dimòndi pasâg ed proprietê e câmbi 'd ûş, ûn a drē cl'êter, adèsa la cēşa l'é scunsacrêda mó ed proprietê ed la Cória ed Rèz e dal vōlti la vîn avêrta per dal mòstri céchi.
Al d'ed fōra a 'sé ruvinê dimòndi l'afrèsch cun Sânt' Ègta d'ed sōver al purtêl e a i lê a gh'é incòra dō lâpidi dal Setsèint.. L'intêren divîş da clòuni murêdi e curnisòun in stóch, an n'é mia mubiliê e l'altêr magiōr l'é stê inmaganişê, mó a gh'é armēş quâter stâtvi de stóch che figûren la Giustésia, l'Amzûra, la Prudèinsa e la Fôrsa.
Nôta: cla pâgina ché l'é stêda inviêda cun 'na tradusiòun da Chiesa dei Santi Carlo e Agata trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.