Côr sinfònic 'd al Stêt 'dla Ciuvàsa

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

Al Côr sinfònic dal Stêt 'dla Ciuvàsa, (in ciuvàs Чӑваш патшалăхĕн академи симфони капелли) 'l è 'n grùp corêl dla Repóblica Ciuvàsa nê a Čeboksary in dal 1967.

La só storia

In dal setèmber dal 1967 in dla capitèla Čeboksary, a vgnìva fundê al grup corêl 'd Stêt dla Ciuvàsa per la Televiśiòun e la Radio. Al prìm spetàcul al s tgnìva in dal novèmber dal stès an, e 'l Diretōr dal côr 'l era 'l Artìsta dal Pòpul dla Ciuvàsa, al mìster Artìsta dla Federasiòun Rùsa A. G. Orlov - Shouzm. Al grùp al feva cgnùser la mùśica cólta nasiunèla ciuvàsa.
La tradisiòun corèla la vgnìva cuntinuèda cun di brêv mìster e cun dagli eśibisiòun a Mosca, a Minsk, a Ufa, a Izhevsk, a Kazan, Gorky e in soquànt èter sèinter culturêl dl'Uniòun Soviètica.
A partìr dal 1986 al côr 'l è sòt'a 'l mìster Artìsta dal Pòpul dla Rùsia Maurice Yaklashkin, ch'l à sèimper tgnû dimòndi élt al livèl dla só profesionalitê.
Quand al grùp corêl 'l è stê ciamê anca da l'Uniòun di Cumpośidōr dla Federasiòun rùsa, al gh'l'à cavèda 'd cantèr soquànt pês in dla Sela Rachmaninov dal Cunservatòri 'd Mòsca, in dla Sela cunsèrt Rùsia a Nizhny Novgorod, a Kazan, Tyumen, Ufa, Ulyanovsk e a Saransk.[1]

Al só repertòri

I avtōr dal só repertòri egl' în quī clàsic ciuvàs cuma Fyodor Pavlov, Maximov Stepan, Anisimov Aslamas, Vladimir Ivanishin, Gregory Hirbyu, Phillip Lukin, Fyodor Vasilyev e Timothy Fandeev.
In dal 23 e 24 śògn dal 2013, Festa nasiunèla dla Repóblica, sòt'a 'l mìster Artìsta dal Pòpul dla Rùsia Maurice Yaklashkin, al Grup al tgnìva soquànti dimustrasiòun per fer cgnùser i mijór eśèimpi dla cultura muśichèla ciuvàsa.[2]

Vèd anca

Noti

  1. Чувашская государственная академическая симфоническая капелла. Итоги 2012 года.
  2. Чувашская государственная академическая симфоническая капелла провела большую работу по пропаганде лучших образцов чувашской музыкальной культуры

Colegamèint estèren