Còsta Méśa
|
C'l artìcul chè 'l è scrit in
Miranduléś |
_08.JPG)
Còsta Méśa (a s lèś /ˌkoʊstə ˈmeɪsə/ in ingléś) l'è na sità americàna dla Cuntèa 'd Orange in Califòrgna, incurpuràda in dal 1953, ch'la s cata a ssanta km a sud ad Los Angeles. La mùcia sù sènt-tredasmìla abitànt a 'l incìrca.
La sò ecunumìa la cónta dimóndi su i servìsi e 'l cumèrs, al South Coast Plaza 'l è 'n sèntar cumersiàł bèl grôs ch'al và fòrt c'n i sò 270 negòsi.
In Luj a gh'è na féra dimóndi impurtànta ciamàda The Orange County Fair ch'l'arciàma da piò 'd un migliòṅ ad viśitadōr tut i an. In sità a gh'è anc un fèstival dedicâ a i spavénta-pàsar e a 'l suchi mis in pē in dal 1938.