Céśa ed San Nicolò (Chèrp)

C'l artìcol chè 'l è scrit in Carpśàn

La fàcia edla céśa col só pordeg in dal davànti, prìma che 'l teremòt dal '12 a nn'al fìs sarèr a 'l caminèdi.

La céśa ed San Nicolò l'è na césa ed Chèrp, ch'a s cata tachê ala drìta dal cô più in fóra dal pordeg ed via Berengario.

In dal só cô ed meśdè a gh'è tachê al cunvèint di frê, partî vìa da Chèrp ala fin dal 2019. La céśa l'è difàt incòr da ristruturèr da 'l mumèint dal teremòt dal '12 e anc al bèl pordeg 'l è sarê sù, ch'a n's egh pōl mìa caminèr.

La só stòria

Bèle in dal 1494 al prìnsip ed Chèrp Alberto III Pio al fèva tirèr sù la bèla céśa rinasimentèla, in sìm'a 'l sit ed n'ètra ciśulèina, sèinper dedichèda a San Nicolò ch'la s'egh catèva prìma.