Céśa 'd San Pusidóni

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

La céśa 'd San Pusidóni


La céśa 'd San Pusidóni l'è la céśa dla parócchia 'd San Pusidóni in pruìnsa 'd Mòdna. La fà part dla diòceśi 'd Carp e la s cata in dla piàsa dal paiśèṅ dla basa. L'è stada tiràda sù da 'l 1764 a 'l 1794 su prugèt d'l arśàṅ Francesco Iori.

La céśa l'à patî dimóndi dan da 'l taramòt in dla Basa Mudnéśa e in dal Fraréś dal 2012.

Stòria

A s dascór par la prima vòlta dna céśa a San Pusidóni in dal 962 su 'n ducumènt dal véscuv 'd Mantṿa Guglielmo. Anc in un scrit dal 993 dal véscuv ad Réś Teuzone a s fà a mènt a c'l edifìsi chè che pò 'l è stâ tirâ sù 'd nóṿ in dal 1221 mént'r al campanìl 'l è stâ fat fra 'l 1740 e 'l 1748.

La céśa ch'a gh'è adès l'è stada custruìda in dal XVIII sécul in stîl neuclàsic, cun na navàda sōla, par mèrit dal marchéś Achille Tacoli. Durànt i lavōr i èṅ saltâ fóra i òs ad San Pusidóni ch'l éra stâ saplî lè dèntar.

Òpri d'arcuràr a 'l intéran d'l edifìsi i èṅ i quàtar cavdòṅ ch'a gh'è in dal bandi, un dipìnt dla Madóna in mèś a i sant Śamiàṅ e Ubàld e 'n ritràt dla Làura 'd Èst Pic.