Burqini
|
C'l artìcul chè 'l è scrit in
Miranduléś |
Al Burqini, cgnusû anc cuma Burkini, 'l è 'n custùm da bagn par cal dóni, druâ specialmènt da 'l musulmàni ch'i n vōlan minga métar-'s adòs di custùm tròp sfaciâ cum i pōl'n èsar al custùm intēr, al trikini, al bikini, al tanga, al custùm periśòma o al topless adiritùra.
'L è stâ invintâ in dal 2003 par la cumpagnìa Ahiida par la stilìsta Aheda Zanetti, austragliàna cun màdar dal Lìban. Al gh'à abû subìt dimóndi sucès tant ch'in un méś i 'n aṅ vindû nóṿ-mila pès a 'l prèsi ad sènt euro 'l òṅ.
Al burquini, ch'al mét insém al paròli burqa e bikini, 'l è bòṅ ad quaciàr tut al còrp lasànd lìbar sōl la ghigna, al maṅ e i pē e dònca tgnénd adrē a 'l règhli d'l Ìślam. I cavìi i èṅ lugâ druànd un capùs. In tut al manéri 'l è alśēr abàsta da parmét'r ad nudàr.
Al custùm al pōl èsar tut négar o anc culurâ par cal dóni più stimulìni.