Bugutà
|
C'l artìcul chè 'l è scrit in
Miranduléś |
.svg)
Bugutà (Bogotá al sarés al nóm uficiàl in Spagnōl e prim' incóra Santa Fé de Bogotá in fiṅ a 'l 1998) l'è la capitàl dla Culómbia. La gh'à nóṿ migliòṅ 'd abitànt a 'l incìrca e l'è divìśa in vint quartēr. La tōś al sò nóm da la paròla indìgina Bacatá ch'la sarés na manéra ad cultivàr i camp.
La s cata in muntàgna, a 2640 métar a 'l élta, difàti al sò mòt 'l è «2600 metros más cerca de las estrellas» (2600 métar più davśina da 'l stéli). I culōr dla sò bandéra i èṅ al śal (ad sōvar) e al rós (ad sóta).
Al piàt più famóś ad Bugutà 'l è 'l ajiaco, na supa fata cun di faśói, arvèa o śéś tajâ un tant a 'l bras e cun di pès ad carna.
In di ult'm an l'è dvintàda anc na sità p'r i turìsta, ch'i èṅ stâ un migliòṅ e quatarsènt-mila in dal 2010.
A Bugutà la temperadùra l'è praticamènt sèmpar cumpàgna tut 'l an e la pasa da i daśdòt grâd dal dopmeśdè a i sèt dla nòt.
Persunàǵ famóś ligâ a Bugutà
- Juan Pablo Montoya, pilòta ad màchini
- Gabriel García Márquez, scritōr prèmi Nobel
- Catalina Sandino Moreno, atōra