Bubble (film)
|
C'l artìcul chè 'l è scrit in
Miranduléś |
 Bubble
| ||
.png) La Debbie Doebereiner in na figùra dal film | ||
| Bóla 2005 | ||
|---|---|---|
| Regìa: Steven Soderbergh | ||
| Scritōr: Coleman Hough | ||
| Atōr: Debbie Doebereiner • Misty Wilkins Dustin James Ashley • Daniel R. Christian Decker Moody • Omar Cowan • Laurie L. Wee | ||
| Müsica: Robert Pollard | ||
| Léngua: Ingléś | ||
| Dürä dal film: 73 minüt | ||
| Nasiōṅ: Stat Unî | ||
Bubble (Bóla) 'l è 'n film dramàtic dal 2005 ad Steven Soderbergh fat druànd di atōr minga prufesiunìsta catâ fra Parkersburg (Virgìgna Ucidentàla) e Belpre (Ohio) in du la pelìcula l'è stada giràda.
Sunt
In un paiśèṅ dimóndi pòvar d'l Ohio, un pustàs in du a n gh'è gnint, la Martha (Debbie Doebereiner) la scampa laurànd in na fàbrica ch'la fà di bambulòt e quànd l'è a cà, esénd anc puta, la gh'à da tgnir adrē a sò pàdar vèć (Omar Cowan) ch'al gh'à di prubléma 'd salùt. La dóna l'è amìga dal sò culéga Kyle (Dustin James Ashley), un ragàs ch'al n s cumpatìs minga 'd star in mèś a la gint quànd a gh'è dal fitùm e ch'al viṿ incóra a cà 'd sò màdar (Laurie L. Wee) parchè i bèsi i n èṅ mai abàsta.
Un dè a riva a lauràr in fàbrica na śuvnòta nóva, la Rose (Misty Wilkins), ch'la gh'à da tiràr sù na putìna da par lē e ch'la gh'à biśógn ad far 'n àtar lavōr dòp qvél dla dóna dal pulisìi par soquànti famìji dal pòst. La ragàsa la pâr gustóśa e dōlsa mo invéci la gh'à 'n brut visi, qvél ad śgranfgnàr via di bèsi e dal ròbi in dal cà in du la và. Na sira la gh'à 'l curàǵ ad far-'l anc in dla cambra 'd Kyle dòp ès'r andâ fóra insém méntar la Martha la gh tgniva adrē a la sò putìna. Al dè dòp la Rose la vîṅ catàda mòrta stranglulàda da la pulisìa in cà sua.