Broken (film 2006)
|
C'l artìcul chè 'l è scrit in
Miranduléś |
 Broken
| ||
.png) L'Heather Graham in na figùra dal film | ||
| Guàst 2006 | ||
|---|---|---|
| Regìa: Alan White | ||
| Scritōr: Jeff Lester • Drew Pillsbury | ||
| Atōr: Heather Graham • Jeremy Sisto • Jake Busey Tess Harper • Joe Hursley • Linda Hamilton | ||
| Müsica: Jeehun Hwang | ||
| Léngua: Ingléś • Spagnōl | ||
| Dürä dal film: 97 minüt | ||
| Nasiōṅ: Stat Unî | ||
Broken (Guàst) 'l è 'n film dramàtic americàṅ dal 2006 'd Alan White, girâ a Los Angeles.
Sunt
La Hope (Heather Graham) l'è na ragàsa d'l Ohio ch'la vrév far la cantànta e sunadōra 'd chitàra. Un dè, stufa dla sò vita, la lasa Cleveland p'r andàr a star a Los Angeles in du la s inśéggna a far la camaréra 'd nòt in dal bar ad Keith (Navid Negahban), al „Blue Star“. Méntar la tōś al Sōl a 'l mâr la cgnós Will (Jeremy Sisto), un śōvan ch'al gh fà la cōrt in fiṅ tant che lē la gh s mét insém. 'L óm al gh fà pruàr la dròga e, par soquànt tèmp, i dū i tìr'n avànti acsè ma pò la Hope la decìd ad dar-'g un taj mulànd-al.
Na sira a 'l bar par la ragàsa a pâr un dè 'd lavōr cuma tut chi àtar. La fà dū ciàcri c'n un prudutōr ad film ch'al vrév dar-ag na part in na pelìcula in du la gh'arév da cavàr-as śò, Cliff (Randall Batinkoff), na dóna ch'la gh sugerìs ad tacàr a ślargàr al gambi in fiṅ ch'la pōl, la Karen (Linda Hamilton), un discugràfig ch'al vōl métar sóta cuntràt un grup nóṿ, Malcolm (Mark Sheppard), un biónd ch'al pésca dla dròga, Vince (Jake Busey), insém a 'l sò amìg Rob (Joe Hursley), na barbóna ch'la pâr ciucàda in dla suca, la Clare (Tess Harper), e na lèśbica ch'la vrév mulàr i dū ragàs ch'i èṅ sèg e ch'i gh staṅ sèmp'r adòs p'r andàr a cà cun la Hope ch'la gh piàś dimóndi, la Sara (Jessica Stroup).
A n sèrt punt a riva dèntar Will cun na pistòla in maṅ. Chi lò al vrév turnàr insém a la sò èx muróśa ma anc rapiràr al bar par far sù di bèsi. Quànd a riva la pulisìa, 'l óm al masa la sénsa-téǵ, na dóna ch'a parìva ch'la 'l cgnusìs.