Brivido caldo

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Body Heat
Brivido caldo
Brivido caldo.png
La Turner e Hurt in na figùra dal film
Śgriśōr cald
1981
Regia: Lawrence Kasdan
Scritùr: Lawrence Kasdan
Atùr: William HurtKathleen TurnerTed Danson
Richard CrennaMickey RourkeKim Zimmer
J.A. PrestonJane HallarenLanna Saunders
Müsica: John Barry
Lengua: Ingléś
Dürä dal film: 113 minüt
Nasiòṅ: Stat Unî


«
La gh'à insgnâ tut qvél ch'la saìva su la pasiòṅ e... su la mòrt.»
(Tagline dal film)


Brivido caldo (Śgriśōr cald) 'l è 'n thriller eròtic dal 1981 ad Lawrence Kasdan, ch'al 'l à anc scrit, cun prutagunìsta William Hurt e la Kathleen Turner, chè a 'l sò debùt.

Custâ nóṿ migliòṅ ad dòlar, al 'n à pò purtâ a cà vint-quàtar.

Sunt

Al śōvan Ned Racine (William Hurt) al viṿ a Miranda Beach (Flòrida) in du al fà 'l avucàt sénsa tant sucès ma almànc al gh dà dèntar cun cal dóni tant ch'l è dvintâ 'n squasamarléti patintâ. In na bujìnta Istâ ch'la fà crudàr śò 'l sudōr a lìtar, al cgnós la Matty (Kathleen Turner), na biónda ch'la fà prilàr la tèsta a tut. Chi lē l'è spuśàda cun 'n óm 'd afâr pîṅ ad bèsi, Edmund Walker (Richard Crenna), ch'al trata dal par mistēr ma ch'l è anc na mèśa canàja parchè al ravàna in dal muśnènt.

Fra i dū a nas na pasiòṅ fata 'd sès, i gùs'n ad cuntìnuv, ma pò la Matty la diś a 'l sò amànt ch'a sarév méj far fóra sò marè parchè la n al supòrta piò e 'l ùnic quèl ch'la vōl dabòṅ l'è vìvar sèg. Ned al gh dà sudisfasiòṅ e 'l dmanda ajùt a 'n sò cliènt minga tant unèst, Teddy Lewis (Mickey Rourke), ch'al gh fà avér na bómba. Al sò piàṅ 'l è qvél ad bruśàr al còrp 'd Edmund dòp avér-al mis in un palàs bandunâ, fra qvéi tratâ da lò da véndar, e far finta ch'a sia sucès 'n inséndi par daśgràsia.

Quànd la s éra spuśàda la Matty l'iva firmâ 'n pat ch'in caś ad separasiòṅ lē l'arév bcâ quèl sōl p'r al prim an, pò basta. Adès invéci, cun la mòrt ad sò marè, 'l è tut suo. Ned al taca a pinsàr 'd èsar stâ fargâ ma i prubléma p'r i dū amànt diabòlic i èṅ sōl a 'l inìsi parchè 'l prucuradōr Peter Lowenstein (Ted Danson) e 'l detective dla pulisìa Oscar Grace (J.A. Preston) i nàśan quèl e i s fànan viṿ par dmandàr cum è-la che su 'l cadàvar 'd Edmund i n gh'aṅ minga catâ i sò uciài.

Culegamènt estéran