Born romantic - Romantici nati

Da Wikipedia.

C'l artìcul chè 'l è scrit in Miranduléś Emiliàn

Born romantic
Born romantic - Romantici nati

La Horrocks e Morrissey in na figùra dal film
Rumàntic nâ
2000
Regìa: David Kane
Scritōr: David Kane
Atōr: Craig FergusonOlivia WilliamsIan Hart
Paddy ConsidineJimi MistryDavid Morrissey
Kenneth CranhamCatherine McCormack
John ThomsonJane HorrocksAdrian Lester
Müsica: Simon Boswell
Léngua: Ingléś
Dürä dal film: 96 minüt
Nasiōṅ: Régn Unî


«
I rumàntic i n èṅ mia mòrt... l'è ch'i n staṅ minga tant bèṅ!»
(Tagline dal film)


Born romantic - Romantici nati (Rumàntic nâ) l'è na cumèdia ingléśa dal 2000 ad David Kane ch'al l'à anc scrita.

In dla culòna sunóra, firmàda par Simon Boswell, i s càt'n anc di pès ad Ricky Martin (La Bomba), ad Dean Martin (Sway), ad Frank Sinatra (I Wish I Were In Love Again), dla Nina Miranda (Yes Sir I Can Boogie), di Morcheeba (Fear & Love) e àt'r incóra.

Sunt

Fergus (David Morrissey) al riva da Liverpool, la sità in du 'l è nâ, a Lóndra par pascàr la sò ex muróśa da i tèmp dla scōla, la Maureen Docherty dita "Mo" (Jane Horrocks), che lò 'l iva mulâ òt an prima a 'n pas da 'l matrimòni par tgnir adrē a 'l sò sógn ad sfundàr in dal mónd dla mùśica cuma chitarìsta. Eddie (Jimi Mistry) 'l è 'n rapinadōr ad quàtar sòld ch'al gh'à da mantgnìr sò pàdar e ch'al s inamóra dla Jocelyn (Catherine McCormack) na ragàsa ch'la prepàra 'l tómbi ad mistēr. Frankie (Craig Ferguson) 'l è 'n óm rumàntic intraplâ in di an Sinquànta, al gh'à 'l ciòld fis par Frank Sinatra e al tîṅ adrē a la śnòb Eleanor (Olivia Williams), restauradōra ad dè e balarìna 'd salsa la nòt. 'L è separâ da sò mujér ma 'l viṿ incóra sèg in dal stés apartamènt.

'L è in dal Salsa Club ad Lóndra che chi siē lè i s càt'n ad nòt par védar se finalmènt 'l amōr al scrucarà anc par lōr. E Jimmy (Adrian Lester) al gh'à la manéra ad cgnós'r-i parchè lì lōr i tōśan al sò taxi par spustàr-as.

Culegamènt estéran