Body Snatch
|
C'l artìcul chè 'l è scrit in
Miranduléś |
 Corps à corps
| ||
| Body Snatch | ||
 L'Emmanuelle Seigner in na figùra dal film | ||
| Cadàvar fargâ 2006 | ||
|---|---|---|
| Regìa: François Hanss | ||
| Scritōr: Arthur-Emmanuel Pierre | ||
| Atōr: Emmanuelle Seigner • Philippe Torreton Clément Brilland • Yolande Moreau • Luc Robert | ||
| Müsica: Sarry Long | ||
| Léngua: Francéś | ||
| Dürä dal film: 101 minüt | ||
| Nasiōṅ: Frància | ||
Body Snatch (Cadàvar fargâ) 'l è 'n thriller francéś dal 2006 ad François Hanss girâ a Marsìglia e a Parì.
La pelìcula l'è custàda quàtar migliòṅ ad dòlar faghénd-an pò sù gnanc sinquànta-mila.
Sunt
La Laura Bartelli (Emmanuelle Seigner) l'è na dóna che par scampàr la s cava śò in un lucàl par chi óm ad Marsìglia. L'è dimóndi amìga dla sò culéga Doris (Vittoria Scognamiglio).
Un dè un sò cliènt cun di bèsi, Marco Tisserand (Philippe Torreton), al s fà avànti dmandànd-ag 'd mulàr incòsa par spuśàr-'l e p'r andàr a vìvar sèg in na vila a Liòṅ. Cla nòt lè però la Laura la gh'à 'n incidènt in màchina ch'al la manda in còma. La dóna la s armét ma la dvènta sórda e la s cata la pansa e la maṅ impinìda 'd castròṅ. Par dascórar l'è custréta a imparàr la léngua di ségn.
Marco al la spóśa listés e i dū i gh'aṅ anc un fiōl, Jeannot (Clément Brilland). Quànd chi lò al taca a 'ndàr a scōla al taca a 'ndàr a far la pisa in dal bagn dal fémni e 'l cònta a la sò mistra (Yolande Moreau) ch'al gh'à paùra 'd pèrd'r al pistulèṅ. Un dè, méntar la Laura la s cata da 'l dutōr Azzeri (Marc Duret) par di eśàm ad sò fiōl, al mèdag al véd na foto 'd Jeannot e 'l diś ch'al sumìlia dimóndi a 'n sò vèć culéga cirùśig ciamâ Marco. Al gh'à anc dal foto di tèmp dla scōla e i pàran pròpria cumpàgn cuma dū gósi 'd àqua.
La Laura la gh và a fónd e la vîṅ a savēr di quèi che sò marè al n gh'à mai cuntâ cuma qvél ch'l éra bèla stâ spuśâ e che sò mujér e sò fiōla i ìvan fat 'n incidènt in màchina finénd in còma. Adès però i dū còrp i n èṅ piò in dla clìnica 'd Parì, i èṅ sparî. Marco al dvènta dimóndi catìṿ cun la sò spóśa, pò un dè 'l cava via 'l uśèl a 'l sò caṅ Kiki faghénd-la dvintàr na caggna.