Blood Theatre
|
C'l artìcul chè 'l è scrit in
Miranduléś |
 Blood Theatre
| ||
 La Joanna Morales in na figùra dal film | ||
| Teàt'r ad sànguv 1984 | ||
|---|---|---|
| Regìa: Rick Sloane | ||
| Scritōr: Rick Sloane | ||
| Atōr: Jenny Cunningham • Jonathan Blakely Mary Woronov • Andrew Cofrin • Joanna Morales Stephanie Dillard • Daniel Schafer • David Millbern | ||
| Müsica: Rick Sloane | ||
| Léngua: Ingléś | ||
| Dürä dal film: 75 minüt | ||
| Nasiōṅ: Stat Unî | ||
Blood Theatre (Teàt'r ad sànguv) l'è na cumèdia 'd scarésa americàna dal 1984 scrita, dirèta e prudóta par Rick Sloane ch'l à fat anc la culòna sunóra e 'l muntàǵ.
La pelìcula l'è stada giràda in Califòrgna.
Sunt
Dean Murdock (Rob-Roy Fletcher), pruprietàri dla cadéna 'd cìnema Starlite, al còmpra 'n teàtar bandunâ da dimóndi tèmp. Par vèrar-'l, al gh manda tri sò dipendènt, la Jennifer (Jenny Cunningham), Adrian (Andrew Cofrin) e Malcolm (Daniel Schafer). La sò asistènta Miss Blackwell (Mary Woronov), ch'la gh in fà 'd tut i culōr e ch'la gh mét da spés i pē in cô, la n è minga tant 'd acòrd. In séguit anc la Selena (Joanna Morales) e la Darcy (Stephanie Dillard), dū sò impiegàdi piutòst arvèrsi, i finìsan là.
In dal cìnema da mét'r a pòst però a gh gira 'l vèć pruprietàri (Jonathan Blakely) ch'al taca a masàr lè dèntar. Prima al scurtèla dū cheerleader amìghi dla Jennifer, pò al fà fóra anc la Darcy.