Blood Deep
|
C'l artìcul chè 'l è scrit in
Miranduléś |
 Blood Deep
| ||
| Blood Deep | ||
 La Christine, Foxworth e la Nordhus in na figùra dal film | ||
| Sangṿ fónd 2005 | ||
|---|---|---|
| Regìa: Todd S. Kniss | ||
| Scritōr: Todd S. Kniss | ||
| Atōr: Jordan Belfi • Jeridan Frye • Femi Emiola Bo Foxworth • Gerald Hopkins • Amy Christine Kelli Nordhus • Cameron Zeidler • Ben McCain Kim Delgado • Peter Onorati • Marilyn Alex Christian Lalonde • Stephen Ford • Lily Goff | ||
| Müsica: Matt Reid Cohn | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
Blood Deep (Sangṿ fónd) 'l è 'n film ad scarésa americàṅ dal 2005 ad Todd S. Kniss ch'al 'l à anc scrit.
'L è stâ girâ in Califòrgna.
Sunt
La Katie Spencer (Jeridan Frye), turnàda in dla cà ad sò nunóna mòrta, la s arcòrda ad quànd, da baghéta, insém a di sò amìg 'l ivâ catâ in dal 1985 in un camp al cadàvar bruśâ 'd un ragàs, Ronny (Tyler Goucher). Adès dòp tant tèmp, daśnóṿ an i èṅ pasâ 'd in alóra, la gh'à da véd'r-as c'n i fiōi d'l ufisiàł Ben Lucas (Ben McCain), al sierìf Wil (Gerald Hopkins), che tut i ciàman „bigulòṅ“ da quànd a séd'ś an i aṅ tacâ a 'ndàr in palèstra insém, e la Robin (Amy Christine) ch'la s pòrta adrē na sò cumpàgna 'd scóla, l’Eliza (Femi Emiola), una ch'la s divertìs faghénd 'l ipnutìśum. Anc Calvin Foster (Bo Foxworth), un sò vèć muróś, e la sò dóna 'd adès, l’Allison (Kelli Nordhus), i èṅ dla partìda acsè cuma Greg (Richard Cline Cunningham) e 'l sò amìg Jacob (Cameron Zeidler). Chi lò 'l à però pardû la memòria méntar sò fradèl Sean (Jordan Belfi) 'l è sparî dòp la mòrt ad sò pàdar Victor Westen (Fred Griffith) ch'l éra finî a 'l ricòvar.
Durànt la nòt un tisi misterióś al và a tōr 'n anèl ch'al s catàva in dla séndra dna stua in cantìna. Mént'r al grup al dascór fóra, Calvin, vdénd un vśèṅ ad cà ciamâ Teddy (Ethan Sharrett), al la buta lè e 'l diś ch'a s pōl anc dar ch'al sia stâ lò a cupàr Ronny.
Durànt la nòt 'n óm ch'al gh'iva da far lè darènt na pisìna ma ch'l iva catâ 'n mur sót-tèra, Peter (Peter Onorati), al vîṅ cupâ c'n un badìl acsè cuma Teddy méntar gl'amìg in cà i decìd'n ad far un śuglèṅ, qvél ad cuntàr tut un segrét dòp èsar stâ ipnutiśâ par l’Eliza. La Katie la s arcòrda ad quànd i sò genitōr i èṅ mòrt in 'n incidènt in màchina cun lē dadrē (Kelci B. Lowry), pò 'l è 'l tùr'n ad Jacob ch'a gh vîṅ in mènt ch'l iva tirâ na sćiuptàda a sò pàd'r in dal bòsc quànd 'l éra pìcul. Da n'àtra banda qualchidòṅ al fà fóra prima l’Allison e pò anc Calvin méntar la Katie la próa a difénd'r-as srand 'l us dla cuśìna c'n un tirabusòṅ.