Beautiful Thing

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Beautiful Thing
Beautiful Thing.png
Glen Berry in na figùra dal film
Un quèl bèl
1996
Regia: Hettie MacDonald
Scritùr: Jonathan Harvey
Atùr: Sandra GangelGlen BerryScott Neal
Tameka EmpsonBen DanielsGarry Cooper
Müsica: John Altman
Lengua: Ingléś
Dürä dal film: 90 minüt
Nasiòṅ: Régn Unî


«
Inamuràr-as l'è na bèla surpréśa.»
(Tagline dal film)


Beautiful Thing (Un quèl bèl) l'è na cumèdia ingléśa dal 1996 dla Hettie MacDonald trata da 'n lavōr teatràl ad Jonathan Harvey.

La pelìcula l'è stada preśentàda a 'l 49śum Fèstival ad Cannes in dla categurìa „Quinzaine des Réalisateurs“.

Sunt

Jamie Gangel (Glen Berry) 'l è 'n ragàs ch'al viṿ insém a sò màdar Sandra (Linda Henry) in dal quartēr perifèric ad Thamesmead a Lóndra. La dóna la lavóra in un pub e la s è cumpagnàda c'n un pitōr hippy ciamâ Tony (Ben Daniels) ch'al và 'd acòrd cun sò fiōl méntar lē la gh'à di prubléma esénd ch'la vōl sèmpar cmandàr in cà. Jamie, ch'al fà fadìga a tacàr butòṅ cun chi àtar śōvan e ch'al n è minga purtâ p'r i sport, al stà darènt a na ragàsa 'd culōr, la Leah Russell (Tameka Empson), ch'la và mata par la mùśica dla Mama Cass dal quartét di The Mamas & the Papas e ch'la dascór sèmpar franca anc s'la ténd a èsar piutòst śbucàda. L'è anc stada casàda via da scōla.

Un dè al sò amìg Ste Pearce (Scott Neal) al dmanda ajùt a la Sandra parchè al li ciàpa sèmpar da sò pàdar puòs Ronnie (Garry Cooper) e da sò fradèl più grand Trevor (Daniel Bowers) ch'al vénd la dròga. La dóna la gh śibìs ad pasàr la nòt in cà sua e Ste al spartìs al lèt cun sò fiōl ch'al fà a mènt subìt a i nis ch'al gh'à adòs. Jamie al s taca a ligàr dimóndi a chi lò che, da 'l cant suo, al cata finalmènt 'l afèt che da i suo al n gh'à mai abû.

Culegamènt estéran