Baton Rouge

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

La sò bandéra


Baton Rouge (a s lèś [ˌbætən ˈruːʒ] in Ingléś e [bɑtɔ̃ ʁuʒ] in Francéś ch'a vōl dir bastòṅ rós) l'è na sità americàna, capitàł dal stat dla Luiśiàna da 'l 1847. A s trata dal sò secónd sèntar più grand, c'n i sò dagnóra duśènt-trentamìla abitànt, dòp New Orleans.

La mapa dla sità
Vduda da 'l éta dal sò sèntar stòrig

La gh'à na superfìsi 'd 204,8 km² e 'n clima mediteràni.

La ciàpa 'l nóm da 'n pâł rós ch'al s catàva a i cunfîṅ di teritòri di Houma e di Bayou Goula quànd i èṅ rivâ i francéś in dal 1699 a fundàr-la.

Baton Rouge 'l è 'n sènt'r industriàł dimóndi impurtànt, specialmènt in di camp pertulchìmig, mèdag, dla risérca, tecnulògic e cinematugràfic. In sità a gh'è anc la più impurtànta università pùblica dal stat, la Louisiana State University. Al sò pòrt, ch'al s cata su 'l fiùm Missisìpi, 'l è 'l dècim più grand di Stat Unî in fat ad tunelàdi spedìdi.

Tgnénd adrē a 'l censimènt dal 2010, i sò abitànt i èṅ négar p'r al 50,4%, biànc p'r al 40,8%, ispànig p'r al 3,5% e aśiàtic p'r al 3,5%. Al sò sìndig, da 'l 2017, l'è la demucràtica Sharon Weston Broome.

Persunàǵ ligâ a Baton Rouge

Culegamènt estéran