Ballando con uno sconosciuto
|
C'l artìcul chè 'l è scrit in
Miranduléś |
 Dance with a Stranger | ||
| Ballando con uno sconosciuto | ||
 Everett e la Richardson in na figùra dal film | ||
| Balànd c'n un furastēr 1985 | ||
|---|---|---|
| Regìa: Mike Newell | ||
| Scritōr: Shelagh Delaney | ||
| Atōr: Miranda Richardson • Rupert Everett Ian Holm • Matthew Carroll • David Troughton Jane Bertish • Tom Chadbon • Stratford Johns | ||
| Müsica: Richard Hartley | ||
| Léngua: Ingléś | ||
| Dürä dal film: 96 minüt | ||
| Nasiōṅ: Régn Unî | ||
Ballando con uno sconosciuto (Balànd c'n un furastēr) 'l è 'n film biugràfic e dramàtic britànic dal 1985 ad Mike Newell ch'al cònta la stòria dl'ultma dóna giustisiàda in dal Régn Unî, la Ruth Ellis.
Cla pelìcula chè l'è stada preśentàda a 'l 38śum Fèstival ad Cannes, in dla categurìa Quinzaine des Réalisateurs.
Sunt
[mudéfica la surzéia]La Ruth Ellis (Miranda Richardson), divursiàda cun dū fiōi da crésar, par tiràr avànti la fà l'entraîneuse in un lucàl in du la fà cumpagnìa a di óm facultóś e pîṅ 'd bèsi. In dl'Istâ dal 1953 la cgnós 'l aristucràtic ma buletàri David Blakeley (Rupert Everett), un śōvan cun la pasiòṅ p'r al màchini da cursa. Fra i dū a taca na relasiòṅ pîna 'd élt e bas e dimóndi litgàdi. A s fà avànti anc Desmond Cussen (Ian Holm), 'n óm più vèć ch'al vrév tōr-la par mujēr ma lē la s tira indrē, la 'l tōś in cunsiderasiòṅ sōl quànd la n s la pasa minga bèṅ.
C'n al pasàr dal tèmp David al taca a bévar e a stufàr-'s ad lē. Da 'l cant suo la Ruth la vîṅ licensiàda e, dòp avēr fat 'n abòrt, la taca a dvintàr na puòsa a sò vòlta ma la cuntìnua listés a tgnir adrē a David parchè la vrév turnàr sèg. 'L óm, sèmpar più fiacâ, al decìd 'd andàr a star a cà di sò amìg, Anthony (Tom Chadbon) e la Carole (Jane Bertish), ma la Ruth, ch'la n è mia bòna 'd métar-'s al cōr in paś, la 'l davśìna par strada na sira e la gh spara masànd-al.
Finìda a prucès, la dóna la vîṅ prima cundanàda a mòrt e pò impicàda.