Baise moi - Scopami

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Baise-moi
Baise moi - Scopami
Baise moi - Scopami.png
La Karen Lancaume in na figùra dal film
Baise moi - Gus'um
2000
Regìa: Virginie DespentesCoralie
Scritōr: Virginie Despentes • Coralie
Atōr: Karen LancaumeRaffaëla Anderson
Céline BeugnotAdama NianeTewfik Saad
Christophe Claudy LandryPatrick Kodjo Topou
Ouassini EmbarekIan ScottJean-Marc Minéo
Müsica: Varou Jan
Léngua: Francéś
Dürä dal film: 77 minüt
Nasiōṅ: Frància


«
Più 't gus manc at pèns e méj 't pòns.»
(Tagline dall film)


Baise moi - Scopami (Baise moi - Gus'um) 'l è 'n thriller spurcaciòṅ e viulènt dal 2000 dirèt par la Virginie Despentes e par la Coralie ch'la s è firmàda Coralie Trinh Thi. 'L è stâ preśentâ a 'l 53śum Fèstival ad Lucàran.

La pelìcula, cinsuràda a Singapōr e in Malèśia, l'à fat sù nuvsènt-quarantamìla dòlar dòp ès'r-an custàda un migliòṅ e tri a 'l incìrca.

Sunt

La Nadine (Karen Lancaume) l'è na śōvna ch'la tira avànti faghénd dal vòlti la putàna par bèsi. La Manu (Raffaëla Anderson) l'è na bòṅdagnìnta patintàda ch'ad mistēr la rècita in soquànt film pòran. Un dè chi lē, insém a na sò amìga (Lisa Marshall), la vîṅ purtàda in un garàǵ da 'n grup ad tri óm (Ian Scott, Philippe Houillez e Steven Jhonsson) e pò viulentàda. Méntar cl'atra la siga e la s arvòlta, la Manu la s fà dar sénsa dir gnint. Turnàda a cà, al fradèl dla Manu (Hacène Beddrouh) al fà a mènt a i nis ch'la gh'à dapartùt e al gh admànda, pistòla a la maṅ, chi gh i à fat. Esénd ch'la ragàsa la taś, lò al gh dà dla „rója“ cuma s'al gh fus piaśû dabòṅ. La Manu la gh ciàpa la pistòla e la 'l masa.

In cal méntar la Nadine la stròsa la sò co-inqvilìna (Delphine McCarty) dòp na quistiunàda sèg, pò la s in và c'n i bèsi d'l afìt. A la stasiòṅ di trêṅ l'incróśa la Manu e la s fà amìga sèg ch'ad caràtar l'è cumpàgna a lē.

Al dū śōvni i partìsan p'r un gir par la Frància in dua i rùb'n e i màsan cusa s'a fus gnint.

Culegamènt estéran