Bad Pinocchio
|
C'l artìcul chè 'l è scrit in
Miranduléś |
 Pinocchio's Revenge
| ||
| Bad Pinocchio | ||
 La Brittany Alyse Smith in na figùra dal film | ||
| Pnòć catìṿ 1996 | ||
|---|---|---|
| Regìa: Kevin Tenney | ||
| Scritōr: Kevin Tenney | ||
| Atōr: Candace McKenzie • Lewis Van Bergen Ivan Gueron • Thomas Wagner • Rosalind Allen Brittany Alyse Smith • Sarah Kaite Coughlan Todd Allen • Aaron Lustig • Ron Canada | ||
| Müsica: Dennis Michael Tenney | ||
| Léngua: Ingléś | ||
| Dürä dal film: 96 minüt | ||
| Nasiōṅ: Stat Unî | ||
Bad Pinocchio (Pnòć catìṿ) 'l è 'n thriller americàṅ dal 1996 scrit e dirèt par Kevin Tenney, vgnû fóra diretamènt p'r al marcâ d'l home video.
Sunt
La Jennifer Garrick (Rosalind Allen) l'è l'avucàta 'd Vincent Gotto (Lewis Van Bergen), un criminàł acuśâ 'd avēr masâ di baghét. Al sò culéga Barry (Ron Canada) al gh diś che 'l óm 'l iva saplî, insém a 'l sò putèṅ, un putòć ad Pnòć. La Jennifer, ch'l'è sicûra ch'al sò cliènt al sia inusènt, la pòrta a cà al bambulót sprand ad catàr acsè na quàlc próa ch'la psis jutàr-la a impedìr che Gotto al véggna giustisiâ. La sò putìna Zoe (Brittany Alyse Smith), vdénd la mariunéta, la créd ch'la sia 'n regàl p'r al sò cumpleàn e la s la tîṅ lē ligànd-as dimóndi a cal śugàtul lè.
Soquànt dè dòp al muróś dla Jennifer, David Kaminsky (Todd Allen), al vîṅ butâ śò p'r al scali mént'r al badàva a la Zoe. La putìna la vîṅ purtàda da 'n psichiàtra, al dutōr Edwards (Aaron Lustig), ch'al la véd dascórar cun Pnòć su chi dar la cólpa ad cal fat là. Cla nòt lè Pnòć al cunvîns la putìna a lasàr-al lìbar, ch'al n farà gnint ad mâł, mo invéci al và a cupàr David, pò l'è la vòlta dla baby sitter Sophia (Candace McKenzie).